ABŞ Ukraynaya F-16-larla bağlı mövqeyini dəyişdi

Qaynarinfo xəbər verir ki, bu barədə New York Times Pentaqonun nümayəndəsinə istinadən yazır.

Bu, avropalı müttəfiqlərinin ona təlimləri davam etdirmək istədiklərini bildirdikdən sonra baş verib.

Aprelin 21-də Ostin Almaniyanın Ramşteyn aviabazasında Ukrayna üzrə Təmas Qrupunun iclasını keçirib.

Mənbə bildirib ki, Ostin Vaşinqtona qayıtdıqdan sonra Bayden administrasiyasının yüksək rütbəli rəsmilərinə bildirib ki, təlimlə bağlı mövqeyini dəyişmək və ən azı digər ölkələrin Ukraynaya reaktiv təyyarələr təqdim etməsinə icazə vermək vaxtı çatıb.

Rusiya Ukraynaya genişmiqyaslı müdaxiləyə başladıqdan sonra Kiyev rəsmiləri Rusiyanın hava üstünlüyünü aradan qaldırmaq üçün qabaqcıl döyüş təyyarələrinin verilməsinə çağırırdı. Lakin Ağ Ev Pentaqonun yüksək rütbəli məmurlarının məsləhəti ilə hərəkət edərək müqavimət göstərdi. Narahatlıq ondan ibarət idi ki, təyyarələr Rusiyanın dərinliklərindəki hədəfləri vurmaq üçün istifadə oluna və bu, Kremli hücumu gücləndirməyə vadar edə bilər.

Lakin sonda Pentaqon ABŞ-ın M1 Abrams tanklarının tədarükü ilə bağlı mövqeyini dəyişdiyi kimi bi mövqeyini də dəyişdi.

Ostin milli təhlükəsizliklə məşğul olan yüksək səviyyəli administrasiya rəsmilərinin dəstəyini aldı və G-7 sammitindən bir müddət əvvəl Baydenə rəsmi olaraq tövsiyə etdi ki, müttəfiqlərə ukraynalıları təlim keçməyə və təyyarələrini verməyə icazə verilməlidir.