Almaniya və Finlandiya Qərbdəki miqrasiya böhranına görə Rusiyanı günahlandırdı

 

Bu barədə Qaynarinfo DW-yə istinadən xəbər verir. 

Almaniya prezidenti Frank-Valter Ştaynmayer finlandiyalı həmkarı Sauli Niinistö ilə birlikdə Rusiya Federasiyasını Qərb ölkələrində sabitliyi pozmaq üçün qaçqınların sərhədləri keçməsinə qəsdən kömək etməkdə ittiham edib. Bonnda keçirdiyi  mətbuat konfransında Niinistö bildirib ki, Finlandiyada son vaxtlar Rusiya sərhədində miqrantların sayında artım qeydə alınıb. 

"Üçüncü ölkə vətəndaşları Rusiya Federasiyasından gəlirlər və orada çox güman ki, onlardan köməyə görə müəyyən haqq alırlar", - Finlandiya prezidenti qeyd edib. 

Bir qayda olaraq, söhbət miqrantlardan gedir, onların çoxu sənədləri olmadığı halda Finlandiya vasitəsilə Almaniyaya gedə bilər. Ştaynmayer qeyd  edib ki, son vaxtlar miqrantların Mərkəzi Avropaya (məsələn, Qərbi Balkanlar vasitəsilə) çatdığı adi marşrutlarla yanaşı, Rusiyadan Belarus və Polşa vasitəsilə Almaniyaya sərhədi keçmə halları daha tez-tez baş verir. "Təbii ki, bu, Almaniyada miqrasiya  və qaçqınların qəbulu ilə bağlı daxili müzakirələri asanlaşdırmır. Hesab edirəm ki, Rusiyada və digər  ölkələrdə insanlar bu müzakirələrin nə qədər çətin olduğunu yaxşı bilirlər və bunlar Finlandiya və Almaniya kimi ölkələrdə daxili iğtişaşlara və buna görə də siyasi çətinliklərə də səbəb olurlar. Ona görə  də mən bunun tamamilə qəsdən olduğundan şübhələnirəm”, - Almaniya prezidenti əlavə edib.