Qəribə adlara gülmək nə ağıllı, nə də təsiredicidir. Amma onları eşidəndə istər-istəməz dodaqların "qaçır". Belə adlara futbol dünyasında da rast gəlmək olar. Hansı ki, o adları dəfələrlə eşitmisiniz və məşhurdurlar.
Qaynarinfo ingilis dilindən tərcümə zamanı gülməli çıxan bəzi futbolçu adlarını təqdim edir:
Daniel Drinkuoter ("Drinkwater" - "Su içən" və ya "Suyu iç" və s.)
"Haddersfayld Taun", "Kardiff Siti", "Uotford", "Barnsli" və "Lester" kimi klublarda oynayan "Danni" ləqəbli Daniel Drinkwater 2017-ci ildə "Çelsi"yə qatılsa da klubda işlər plana uyğun getmədi. Drinkuoterin "Çelsi"yə keçidi Premyer Liqa tarixindəki ən pis transferlərdən biri kimi təsvir edilmişdir.
Daley Blind ("Blind" - Kor)
"Mançester Yunayted”də 4 mövsüm (2014-2018) keçirən Blind, futbolçu karyerasına başladığı Niderland təmsilçisi "Ayaks”a qayıdıb.
Mark Fiş ("Fish" - Balıq)
Cənubi Afrikalı "Bolton" və "Orlando Pirates" də daxil olmaqla müxtəlif klublarda müdafiəçi kimi çıxış edib.
Yaya Banana ("Banana" - Banan)
AFCON 2019-da da çıxış edən Kamerunlu müdafiəçi Hindistanda "Benqaluru" klubunda oynayır.
Deklan Rays ("Rice" - düyü)
"Vest Hem"in ulduzu, hazırda Premyer Liqada ən çox axtarılan yarımmüdafiəçilərdən biridir.
Razvan Rat ("Rat" - siçan)
Rumıniyalı futbolçu Ukrayna təmsilçisi Donetsk "Şaxtyor"unda, İspaniya təmsilçisi "Rayo Valyekano", İngiltərədə "Vest Hem" və bir neçə klubun formasını geyinib.
Mosquito ("Mosquito" - Ağcaqanad)
Əsl adı Tyaqo Rodriges da Silva olan futbolçu bir çox braziliyalı kimi, o da xalq arasında "Mosquito" ləqəbi ilə tanınır. O, bu ildən Tayland Klubu "Lampanq"da oynayır.
Səbuhi Həsənov
Şərhlər