Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Mübahisədən sonra necə "doğru susmaq" olar? - Psixoloqdan 3 variant
Mübahisədən sonra sükut çox vacibdir, çünki sözlər asanlıqla "silaha" çevrilə bilər.
Qaynarinfo xəbər verir ki, amerikalı psixoloq Mark Trevers cütlüklərin mübahisədən sonra sağalmasına kömək edən sükut növləri haqqında danışıb.
"Ola bilər ki, biz mübahisədən sonrakı sükutu narahatedici bir əlamət kimi qəbul edək - bu, yöndəmsiz, xoşagəlməz və ya hətta emosional cəhətdən dağıdıcı görünə bilər. Lakin bütün sükutlar eyni deyil. Gərginliyin yüksək olduğu anlarda sözlər asanlıqla silah kimi işləyə bilər. Şüurlu sükut isə əksinə, bir 'pauza düyməsi' rolunu oynaya və uzaqlaşma deyil, toparlanma imkanı verə bilər", deyə o, "Forbes" üçün yazdığı məqalədə qeyd edib.
O, üç güclü sükut formasını belə izah edir:
Özünü tənzimləmək üçün sükut
Bu sükut bir növ müdafiə formasıdır. Bu, tərəflərdən birinin və ya hər ikisinin emosional və fizioloji reaksiyalarını idarə etmək, narahatlığın söhbətə nəzarət etməsinə imkan verməmək üçün bilərəkdən fasilə verdiyi haldır. Bu zaman belə bir niyyətlə geri çəkilirsiniz: "Bunu müzakirə etmək istəyirəm, amma sakitləşmək üçün 10 dəqiqəyə ehtiyacım var".
Bu vaxtı hərəkət etmək, dərin nəfəs almaq, soyuq su ilə üzünüzü yumaq və sizi sakitləşdirən digər yollarla istifadə edin. Geri qayıdın ki, səs tonunuz diqqət və qayğınıza uyğun olsun.
Düşünmək üçün sükut
Bu, daxilə yönəlməkdir. Düşüncələrinizdə qarşı tərəflə mübahisə etməyi dayandırır və sual verirsiniz: "O, əslində nə demək istəyirdi?". Yalnız tərəfdaşın sözləri deyil, öz reaksiyanız da nəzərdən keçirilir. Hücum kimi görünən sözlər, əslində, yaxınlıq istəyi ilə bağlı həssas bir mesaj ola bilər. Bu mesajı yalnız sükutda eşitmək mümkündür. Münasibətləri dərhal "təmir" etməyə tələsməyin. Özünüzə fərqli düşünmək və hiss etmək imkanı verin.
Bağlantını bərpa etmək üçün sükut
Münaqişədən sonra, gərginlik azalsa da, sözlər hələ də ağır ola bilər. Bu məqamda bərpaedici sükut faydalıdır – bu, uzaqlaşmadan deyil, dərin etimaddan xəbər verir. "Personality and Social Psychology Bulletin" jurnalında 2014-cü ildə dərc olunan bir araşdırma göstərib ki, yad insanlar arasında söhbət fasilələri narahatlıq yaratsa da, yaxın münasibətlərdə bu, qarşılıqlı anlaşmanın göstəricisi kimi qəbul olunur.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər