“Səbail - “Turan Tovuz” matçında xoşagəlməz hadisələr: əslində nə baş verib?

Məsələ ilə bağlı Qaynarinfo-ya açıqlama verən İsayev hakimi təhqir yox, ona sadəcə, jest etdiyini dedi.

"Onların qərarna hörmətlə yanaşıram. Amma qərardan apelyasiya şikayəti vermişik. Bilmirəm, hakim nə yazıb ora. Mən heç kimi təhqir yox, sadəcə, jest etmişəm. Söyüş söyməmişəm. Ümumiyyətlə, onlara qarşı ağır ifadələr işlətməmişəm. Əksinə, stadiondan yola salmışam. Hakim isə dedi ki, jestinizi qərarda yazacam. Həmin vaxt hakim-inspektor Munis Abdullayev, baş hakim və iki laynsman olub orada. Yəni son söhbətimiz belə olub. Həyatdı, hər şey baş verir. Mənim nə hakimlə, nə AFFA ilə problemim var. Problem odur ki, "Səbail”in akademiyasının komandalarını düzəldim. U-19 ikinci yerdə gedir, U-17 ilk "dördlük”də, U-16 və U-15 də öz çempionatlarında ilk "beşlik”dədir. İşimiz ancaq komandalarımızı düzəltməklə bağlıdır. Belə hadisələr Premyer Liqada da olur, o ki qaldı aşağı liqalara”.

"Oyundan sonra hər iki laynsmanla görüşdüm. Amma baş hakimə çatanda əlimi geri çəkdim. Adətən oyunlarda meydançaya düşmürəm, kənardan izləyirəm. Ara qarışdığı üçün meydançaya düşmüşdüm. "Turan Tovuz”la çox mübahisəli oyun keçdi. İstəmədim dava-dalaş olsun. Bunlar hamısı oyun bitəndən sonra baş verdi. Haqsızlıq? Bunu hakimlərin rəhbəri bildirsin, mən, sadəcə, olanları danışdım. Etdiyim hərəkətin arxasındayam. Söyüş söysəm, bunu etiraf edərdim. Bəlkə də əl uzatmamağı təhqir hesab ediblər. Ümid Allahadır, ancaq mən, söyüş söyməmişəm. Belə olsa, uşaqlar məndən nə öyrənər?”.