XİN başçısı: “Kanada Azərbaycan və Ermənistan arasında sülh səylərini dəstəkləyir" (FOTO)

Qaynarinfo xəbər verir ki, görüş zamanı Kanadanın azərbaycanlı icmasının fəaliyyəti və siyasi fəallıq prioritetləri barədə danışılıb, eləcə də Azərbaycan-Ermənistan arasında münasibətlər və Qafqazdakı təhlükəsizlik durumu müzakirə edilib.

NAC İdarə Heyətinin üzvləri Azərbaycan ərazilərinin 30 ilə yaxın bir müddətdə Ermənistanın işğalı altında qaldığı, bu ərazilərdəki əhalinin qovulduğu və azərbaycanlıların yaşadığı bütün yaşayış məntəqələrinin dağıdıldığını nazirin diqqətinə çatdırıblar. 2020-ci ildə baş tutmuş müharibədən sonra bölgədə yeni vəziyyətin yaranması və Azərbaycanın öz ərazi bütövlüyünü bərpa etdiyi qeyd edilib. İşğaldan azad edilmiş ərazilərdə dağıntının miqyası və eləcə də Ermənistan tərəfindən kütləvi minalanmanın həyata keçirilməsi səbəbindən hələ də məcburi köçkünlərin öz doğma torpaqlarına qayıda bilməməsi nazirin diqqətinə çatdırılıb. NAC-in təşəbüsü ilə Kanada dövləti tərəfindən Qarabağda minatəmizləmə işləri üçün 400,000 dollar vəsaitin ayrılmasına görə təşəkkür ifadə edilib.

Xarici işlər naziri M.Joli Kanadanın Azərbaycan ilə müxtəlif sahələrdə ikitərəfli münasibətlərin daha da inkişaf etdirilməsində maraqlı oldğunu qeyd edib. O, bildirib ki, Kanada beynəlxalq hüququn prinsiplərinə sadiqdir və bütün mübahisələrin hüquq və danışıqlar çərçivəsində həll edilməsinin tərəfdarıdır. Bu xüsusda, Azərbaycanla Ermənistan arasında Avropa Birliyinin himayəsi altında aparılan sülh danışıqlarının tezliklə uğurla başa çatacağına ümid edir və sülh müqaviləsinin imzalanmasını dəstəkləyir. 

Qeyd edək ki, NAC - Kanadada yaşayan azərbaycanlıların Kanada cəmiyyətində və siyasi həyatında maraqlarının təmsil edilməsi məqsədi ilə yaradılmış və tam olaraq Azərbaycan icmasının dəstəyi ilə fəaliyyət göstərir. 

 

Yesterday in Toronto I spoke with @azcanet and discussed the important contributions of the Azerbaijani diaspora as well as Canada’s support for a path towards peace between Azerbaijan and Armenia. pic.twitter.com/3odryxNR5x

— Mélanie Joly (@melaniejoly) April 13, 2023