Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
ABŞ Ukraynaya Rusiyanın dərinliklərinə zərbələr endirmək imkanı verir - Səfir
ABŞ administrasiyası Ukraynaya hərbi dəstəyi gücləndirməklə yanaşı, Kiyevə Rusiyanın dərinliklərindəki hədəflərə zərbələr endirmək imkanı da verir.
Qaynarinfo xəbər verir ki, bunu ABŞ-ın NATO yanında səfiri Metyu Uitaker "Fox News” efirində bildirib.
"Biz Rusiyanın ərazisində daha uzaq hədəflərə zərbələr endirmək imkanları təqdim edirik. Prezident Tramp hər şeydən əvvəl Ukraynanın özünü müdafiə etməyə davam edə bilməsinə çalışır. Zərbə potensialının gücləndirilməsi hücum əməliyyatlarına da kömək edəcək”, deyə o vurğulayıb.
Uitaker əlavə edib ki, dəyəri demək olar bir milyard dollar olan yeni silah partiyası artıq Ukraynaya göndərilir. Onun sözlərinə görə, ABŞ həmçinin NATO müttəfiqlərinin hesabına Ukraynaya hər ay təqribən bir milyard dollarlıq silah tədarük edir.
Diplomat bildirib ki, ABŞ prezidenti Donald Tramp Moskva ilə danışıqları davam etdirir və eyni zamanda Rusiyaya iqtisadi təzyiq göstərir. O vurğulayıb ki, hazırkı Amerika liderinin yanaşması sabiq prezident Co Baydenin strategiyasından fərqlənir.
"Prezident Tramp hələ əlində olan bütün kartları bilir. O, həmçinin başa düşür ki, Vladimir Putini danışıqlar masasında saxlamaq lazımdır, eləcə də Vladimir Zelenskini. Nəticə dərhal olacaqmı? Böyük ehtimalla yox. Amma proses gedir və tərəflər əlaqə saxlayır. Bu isə yaxşıdır”, deyə Uitaker qeyd edib.
Bundan əvvəl ABŞ-ın vitse-prezidenti Cey Di Vens bəyan edib ki, Vaşinqton mümkün sülh sazişi çərçivəsində Ukraynanın ərazi bütövlüyünü qorumağa çalışır. Onun sözlərinə görə, ABŞ istəmir ki, Rusiya bütün ölkəni işğal etsin.
Vens qeyd edib ki, hazırda müharibə elə bir nöqtəyə çatıb ki, ruslar döyüşməyə davam etsələr də, əslində heç nə əldə etmirlər, amma ukraynalılar da bir şey əldə etmirlər.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər