Braziliya millisinin əfsanəvi futbolçusu və məşqçisi Mario Zaqallo 92 yaşında dünyasını dəyişib.
Qaynarinfo-nun məlumatına görə, bu barədə Zaqallonun sosial media hesabından paylaşım edilib.
Zaqallo həm oyunçu, həm də məşqçi kimi dünya çempionatını qazanan ilk şəxs olub. 1958-ci ildə İsveçdə, 1962-ci ildə Çilidə ardıcıl şəkildə dünya çempionu olan Braziliya millisində çıxış edən Zaqallo hər iki final matçına "ilk 11-lik"də başlayıb. Zaqallo, Pele, Jairzinho və Karlos Alberto Prreyra da daxil olmaqla, həmin vaxt bütün zamanların ən yaxşı komandası sayılan Braziliyanı məşqçi kimi 1970-ci ildə Meksika çempionatına aparıb.
Zaqallo sonuncu dəfə 1994-cü ildə ABŞ-da çempionluq qazanan məşqçi Karlos Alberto Parreyranın rəhbərlik etdiyi komandanın koordinatoru vəzifəsində çalışıb. Pelenin ölümündən sonra Zaqallo Braziliya yığmasının heyətində 1958-ci ildə keçirilən dünya çempionatının qalibi olan komandanın sağ qalan sonuncu üzvü idi. 33 dəfə millinin formasını geyinən əfsanəvi futbolçu karyerası boyu iki klubda - "Flamenqo" və "Botafoqo"da forma geyinib.
"Professor” və "Qoca Qurd” ləqəbli Zaqallonun ölümündən sonra FİFA prezidenti Canni İnfantino da başsağlığı verib.
Səbuhi Həsənov
Şərhlər