Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Hər gün yulaf yeməyin bədənə təsiri: Ekspertlər 8 mühüm dəyişikliyi açıqladı
Yulaf sıyığı həzm problemi, diabeti olan, arıqlamaq istəyən və sağlamlıqla bağlı bir sıra digər narahatlıqları olan insanlar üçün gündəlik rasionda müntəzəm yer tutmalıdır.
Qaynarinfo xəbər verir ki, "Verywell Health”in məlumatına görə, yulaf ürək üçün faydalı olan tam taxıllar, lif və digər qida maddələrinin etibarlı mənbəyidir. Amerika Kardiologiya Assosiasiyasının tədqiqatları göstərib ki, yulaf və yulaf sıyığı qan şəkərinin və xolesterinin səviyyəsini tənzimləməyə, bədən çəkisini idarə etməyə və həzm sisteminin sağlamlığını qorumağa kömək edir.
Mütəxəssislər hər gün yulaf yeməyin orqanizmdə yaratdığı səkkiz əsas faydanı sadalayır:
1. Xroniki xəstəliklərin riskini azaldır
Yulafda olan polifenollar güclü antioksidant və iltihabəleyhinə xüsusiyyətlərə malikdir. Onlar sərbəst radikalların hüceyrələrə zərər vurmasının qarşısını alır və ürək xəstəlikləri, insult, ikinci tip diabet və piylənmə kimi xəstəliklərin riskini azalda bilər.
2. İnsulinə reaksiyanı yaxşılaşdırır
Yulafın tərkibindəki beta-qlükan adlı lif qan şəkərinin səviyyəsini sabitləşdirir və insulinin təsirinə qarşı həssaslığı artırır. Buna görə də ikinci tip diabeti olan insanlar üçün yulaf faydalı sayılır.
3. Vitamin və minerallarla zəngindir
Yulafda olan dəmir, maqnezium, selen və sink sinir və əzələ funksiyalarını dəstəkləyir. Eyni zamanda tərkibindəki həll olunan lif – beta-qlükan – xolesterini azaldaraq ürək sağlamlığını gücləndirir.
4. Xolesterini azaldır
Aparılmış tədqiqatlar göstərib ki, yulafın tərkibindəki beta-qlükan ümumi və "pis” xolesterinin (LDL) səviyyəsini aşağı salır. Bu da ürək-damar xəstəliklərinin qarşısının alınmasında mühüm rol oynayır.
5. Arıqlamaya kömək edir
12 həftə davam edən bir araşdırmada müntəzəm yulaf yeyən insanların bədən çəkisinin, piy faizi və bel ölçüsünün azaldığı müəyyən edilib. Başqa bir tədqiqatda isə yulafın qarın piylənməsinin və qaraciyər problemlərinin qarşısını aldığı sübut olunub.
6. Bağırsaq sağlamlığı üçün faydalıdır
Yulafdakı beta-qlükan prebiyotik xüsusiyyətə malikdir, yəni bağırsaqlarda faydalı bakteriyaların artmasına kömək edir. Bu, həzm sisteminin balansını qoruyur və immuniteti gücləndirir.
7. Astma riskini azalda bilər
Uşaqların rasionuna yulafın daxil edilməsi onların gələcəkdə astmaya tutulma ehtimalını azalda bilər. Bu, yulafın orqanizmdəki iltihabi reaksiyaları zəiflətməsi ilə əlaqələndirilir.
8. Qəbizliyin qarşısını alır
Yulafın tərkibindəki yüksək lif həzmi asanlaşdırır, bağırsaq fəaliyyətini tənzimləyir və nəcis kütləsini yumşaldaraq qəbizliyin qarşısını alır.
Aydın
Oxşar xəbərlər
Oktyabrda 4 nəfər zəhərlənmədən ölüb
Sağlamlıq
05.11.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər