XXI əsrdə insanlıq çox şey görüb və bilir, lakin açılması mümkün olmayan sirrlər hələ də mövcuddur. Belə sirrlərdən biri Afrikada yerləşən Envaitenet adasıdır.

Qaynarinfo xarici mediaya istinadən xəbər verir ki, bu kiçik torpaq parçasının gözəlliyinə baxmayaraq, ora heç yerli sakinlər və başqaları da köçmək istəmir. Səbəb isə sadədir: adada insanlar izsiz itirlər.

Envaitenet – "insan yeyən" ada

Əgər planetdə ziyarət olunmaması lazım olan adalardan danışsaq, biri də Envaitenet adasıdır. Afrika ölkələri – Keniya və Efiopiya ərazilərində yerləşir. Gözəl adı el-molo tayfasının dilində "geri dönüşsüz” mənasını verir. Ada isə lənətli hesab olunur: ora düşən hər kəs izsiz itir.

İlk hekayələr 1630-cu illərə qədər gedib çıxır. O zaman adada el-molo tayfasından bir neçə ailə məskunlaşıb. Başlanğıcda hər şey yaxşı olub, amma zamanla onlar görüb ki, adada gözəl təbiətə baxmayaraq, quş və heyvan yoxdur. Üstəlik, daşlar və nadir bitkilər sanki öz-özünə hərəkət edir.

Gecələr yeni ay vaxtı qorxunc qışqırıqlar eşidilir, sakinlər isə qəribə kölgələr görür. Belə "görmələrdən” sonra insanlar müxtəlif bədbəxt hadisələrə düçar olur, uşaqlar isə yoxa çıxır. Tezliklə kənd boşalır – el-molonun qohumları gəlib yoxladıqda qayıqlar və əşyalar toxunulmamış olub, amma insanlar adada yox imiş.

Bəzi əfsanələr yeraltı dəlikdən çıxan sirli alovdan və adanın dərinliklərində yaşayan nəhəngdən danışır. Bəlkə də bunlar sadəcə əfsanələr olaraq qalacaqdı, əgər 1935-ci ildə Britaniya ekspedisiyasından iki etnoqraf adada izsiz yoxa çıxmasaydı. Onlar əvvəlcə adadan siqnal göndərib ki, hər şey qaydasındadır, sonra isə sadəcə "buxarlanmış” kimi yoxa çıxıblar. Axtarışlar nəticəsiz qalıb: sanki onlar heç orada olmamışdı.

Daha sonra yerli tayfalardan bir neçə insan ada üzərinə çıxmağa cəhd edib, lakin onlar da eyni taleyi yaşayıb – naməlum şəkildə yoxa çıxıblar. Ardınca avropalı tədqiqatçılardan da heç kim geri dönməyib.

Envaitenet haradadır?

Rudolf (Turkana) gölünün mərkəzində yerləşən bu gözəl ada dünyaya "cənnət guşəsi” kimi görünür, lakin hər kəs ondan uzaq dayanır. Göl dünyanın ən böyük çöl gölüdür və həm Keniyada, həm də Efiopiyada yerləşir. Uzunluğu təxminən 250 km, eni isə 20 km-dir. Bir neçə çay gölü qidalandırır, amma su göldən çıxmır, durğunlaşır və çox duzlu olur.

Rudolfin sahilləri əsasən timsahlarla məskunlaşıb, lakin onlar sakitdir, yalnız balıqla qidalanır və insanlara hücum etmir. Yüksək natrium tərkibi timsahların dərisində kobud qabıqlar əmələ gətirir, buna görə dərilərdən çanta və digər əşyalar düzəltmək mümkün deyil. Bu da faktiki olaraq timsahları qoruyur. Göl ətrafında bir neçə kiçik Afrika tayfası yaşayır.

Envaitenet haqqında real hadisələr

Sirli adada insanların yoxa çıxmasının iki izahı var, lakin hər ikisi müəyyən qədər şübhəlidir:

1. Meteoroloji versiya - güclü küləklərin insanları aparması ilə əlaqələndirilir. Güman edilir ki, fırtına məskunların qayıqlarını çevirə bilər. Amma bu halda sual yaranır: niyə bütün insanlar yox olur? Hər dəfə külək əsəndə bütün kənd qayıqlara minib fırtınada boğulur? Bu versiya bütün halları izah etmir.

2. Geoloji versiya – Rudolfin gölü vulkanik mənşəlidir, yəni burada zəhərli qazlar çıxa bilər. Onlar insanlarda panika, yönsüzlük və ya halüsinasiya yarada və bunun təsiri altında məskunlar gölə atıla bilər. Lakin bir problem var: heç bir cəsəd, heç bir qalıq tapılmayıb – hətta timsahların insanları yeməsi ehtimalı belə cavab vermir.

Beləliklə, "lənətlənmiş” Envaitenet adasının sirri hələ də açılmayıb. Bu gün də aydın deyil: əfsanələrdəki ruhlar və mifoloji varlıqlar, yoxsa müasir izahlar – zəhərli qazlar və güclü küləklər doğrudur.

Aydın