Litva XİN başçısı: "NATO-nun ən böyük döyüşləri hələ qarşıdadır"

Qaynarinfo bu barədə LRT-yə istinadən xəbər verir.

"Təəssüf ki, NATO-nun ən böyük döyüşləri hələ gələcəkdə baş verə bilər. Biz buna hazır olmalıyıq, çünki bu döyüşlər başlasa və biz hazır olmasaq, bizim ən böyük səhvimiz olacaq", deyə Landsbergis bildirib.

Landsbergis bildirib ki, Macarıstanın baş naziri Viktor Orban Avropadakı liberal nizama təhlükə yaradır və populizmin yayılmasını təşviq edir. Nazir bildirrib ki, Orbanın xristian dəyərləri və miqrasiya ilə bağlı fikir ayrılığına dair açıqlamaları onu çaşdırıb.

"Ola bilsin ki, Papa Fransiskdən başqa bir Papa tərəfindən yayılan bəzi yeni, naməlum xristian dəyərləri var. Amma qorxuram ki, mənim onlar haqqında məlumatım yoxdur və partiyamda onları dəstəkləməməkdə ittiham oluna biləcək insanları tanımıram. Kral VIII Henri bir dəfə özünü yeni kilsənin başçısı və canfəşanlıqla müdafiə etməyə qərarlı olduğu yeni dəyərlərin qoruyucusu elan etdi. Bununla belə, mən şübhə edirəm ki, siz, cənab Orban, hansısa yeni dinin müdafiəçisi sayılmağınızdan məmnun olarsınız", deyə siyasətçi istehza edib.

Landsberqis Orbanı ittiham edərək bildirib ki, onun siyasəti yalana əsaslanır:

"Xristian sevgisi, qonşuya şəfqət, daim həqiqət və salehlik axtarışı - mən əminəm ki, bunlar EPP və Aİ-nin əsaslandığı dəyərlərdir və hesab etmirəm ki, bu barədə heç bir fikir ayrılığına düşməliyik. Bununla belə, siyasi imperiyanızın üzərində qurulduğu yalanların müdafiə etdiyiniz dəyərlər olduğunu əsaslandırmaq istəsəniz, o zaman razılaşmayacağıq. Mən bilirəm ki, miqrasiya həssas mövzudur. Amma əgər mən Papa Fransiski düzgün oxuyuramsa, biz problemdə olanlara kömək etməliyik".