Beynəlxalq Buzlu Xokkey Federasiyası (BBXF- IIHF) Rusiya milli komandasının beynəlxalq yarışlardan kənarlaşdırılmasının uzadılması qərarını açıqlayıb və bunu təhlükəsizlik məsələsi kimi əsaslandırıb.
Qaynarinfo bu barədə NV-yə istinadla
xəbər verir.
"IIHF Şurası Rusiya və Belarus milli və klub komandalarının IIHF-in himayəsi altında keçirilən yarışlara cəlb olunması ilə bağlı mövcud təhlükəsizlik risklərini nəzərdən keçirib. Diqqətli təhlil əsasında Şura Rusiya və Belarus komandalarının beynəlxalq yarışlara qaytarılmasının təhlükəli olduğu qənaətinə gəlib”, - IIHF-in bəyanatında deyilir.
Beləliklə, Rusiya və Belarus 2024/2025-ci il mövsümünün qarşıdakı yarışlarında, o cümlədən 2024 və 2025-ci il dünya çempionatında iştirak etməyəcək.
Xatırladaq ki, Beynəlxalq Xokkey Federasiyası 2022-ci ilin fevralında genişmiqyaslı işğala başladıqdan sonra Rusiya və Belarusun beynəlxalq turnirlərdə iştirakını dayandırıb.
Alpər
Şərhlər