Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
"Titanik" fəlakətindən 4 gün əvvəl yazılmış məktub tapıldı: Nələrdən bəhs edilir?
İkinci sinif sərnişinin dostuna yazdığı məktub hərraca çıxarılacaq. Məktubun ilkin qiymətləndirməsi 47 min dollar təşkil edir.
Qaynarinfo xəbər verir ki, bu barədə "The Independent” yazıb.
Henri Prays Hodces "Titanik”ə Sauthemptonda 250643 nömrəli, təxminən 17,5 dollarlıq biletlə minib. O, qohumlarını ziyarət etmək üçün Boston şəhərinə gedirdi. Məktub aprelin 10-da yazılıb və üzərində Kvinstaun poçt möhürü var.
Məktubda bunlar qeyd olunub:
"Teleqram və xoş arzularınız üçün çox sağ olun. Bu, çox mehriban və diqqətli bir hərəkət idi, mən buna görə çox minnətdaram. Zəhmət olmasa, bizim Assosiasiyanın üzvlərinə də təşəkkürümü çatdırın. Prezidentin gəlib məni yola salması necə də xoş idi. Mən az qala onu mənimlə getməyə razı salacaqdım. Hələlik hər şey əladır.
Gəminin hərəkətini ümumiyyətlə hiss etmirsən, hava da çox gözəldir. Üst göyərtədə təxminən 200 oğlan (20 yaş və daha yuxarı) dairəvi şəkildə addımlayır və mahnı oxuyur, digərləri salonlarda domino və kart oynayır, kimisi kitab oxuyur, kimisi yazır. Dəniz səyahəti təsəvvür etdiyindən tamamilə fərqlidir.
Atana çatdır ki, onun gəlmədiyinə görə çox məyusam, amma başa düşürəm — başqa cür edə bilməzdi. Onun əvəzinə qardaşının gəlməsi isə tam gözlənilən idi. Erkən yatmağa gedirəm, çünki it kimi yorulmuşam.
Sağ ol, Hektor. Ən xoş arzularla. Sənin sadiq dostun H.P. Hodces”.
Henri Hodces 15 aprel 1912-ci ildə baş verən faciə zamanı həlak olub. Həmin fəlakət nəticəsində 1500-dən çox insan həyatını itirib. Onun cəsədi daha sonra tapılıb və Şotlandiyada dəfn edilib.
Hərrac təşkilatçısı Endryu Oldricin sözlərinə görə, ikinci sinif sərnişinlərinin yazdığı məktublar ən nadir sənədlərdən hesab olunur. Onun fikrincə, bu sənəd ən məşhur gəmidəki həyatı faciədən cəmi bir neçə gün əvvəl baş verənlərdən xəbərsiz adi sərnişinin gözü ilə görmək üçün əvəzsiz imkan yaradır.
Məlumdur ki, "Titanik” Kanadanın şərq əyaləti Nyufaundlenddən 640 kilometr məsafədə, Sauthemptondan 3200 kilometrdən çox yol getdikdən və dörd gün səyahət etdikdən sonra batıb.
Laynerin qalıqları okeanın dibində təxminən 3810 metr dərinlikdə yerləşir. Gəminin iki əsas hissəsi isə bir-birindən 790 metr məsafədə dağınıq vəziyyətdədir.
Əvvəllər bir çoxları hesab edirdi ki, nəhəng buz parçaları "Titanik”i uzaq şimal ərazilərində məhv edib. Lakin hazırda XX əsrin əvvəllərinin ən böyük sərnişin gəmisinin qəza yeri ilə bağlı dəqiq məlumatlar məlumdur.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər