Xəbər lenti

Trampın oğlu prezidentliyə namizədliyini istisna etmədi
Dünya 13:05 31.08.2025

Trampın oğlu prezidentliyə namizədliyini istisna etmədi

ABŞ-ın prezidenti Donald Trampın oğlu Erik Tramp gələcəkdə dövlət başçısı vəzifəsi uğrunda mübarizə aparmağı istisna etmədiyini bildirib.

Qaynarinfo xəbər verir ki, o, bu barədə yaponiyanın "Nikkei Asia" nəşrinə müsahibəsində danışıb.

"Xeyr demirəm, amma bəli də demirəm", deyə Erik Tramp prezident seçkilərində iştirak edib-etməyəcəyi barədə suala cavab verib.

Nəşrin yazdığına görə, Erik Tramp gələcəkdə ölkəyə rəhbərlik edə biləcəyini mümkünsüz hesab etmir, lakin hazırda ticarət sahəsində işləməkdən zövq aldığını vurğulayıb.

Erik Tramp Donald və İvana Trampın üçüncü övladı və ikinci oğludur. O, hazırda "The Trump Organization" şirkətində inkişaf və satınalmalar üzrə icraçı vitse-prezident vəzifəsini tutur, qardaşı Donald Tramp Jr. və bacısı İvanka ilə birgə çalışır. Bundan əlavə, o, "Trump Winery" şərab zavodunun sahibidir.

Xatırladaq ki, daha əvvəl Donald Tramp özü də ABŞ Konstitusiyasında mövcud qadağaya baxmayaraq üçüncü müddətə seçilməyə imkan verə biləcək bəzi hüquqi boşluqların olduğunu söyləmişdi. Lakin o, bu imkanlardan istifadənin tərəfdarı olmadığını xüsusi vurğulamışdı.

Aydın

Sorğu

Saytda hansı materialların daha çox olmasını istərdiniz?
--> -->