İdman 19:32 15.11.2022

7-ci liqa klubu Erlinq Haland üçün "Mançester Siti"yə rəsmi təklif göndərdi

"Mançester Siti" və Norveç yığmasının ulduzu Erlinq Haland maraqlı təklif alıb.
 
Qaynarinfo xəbər verir ki, İngiltərənin səviyyəcə 7-ci liqasında çıxış edən "Aşton Yunayted" hücumçunu heyətinə dəvət edib. Klub Halandı dünya çempionatının sonuna qədər icarəyə götürmək niyyətindədir.
 
Klubun rəsmi saytında bu barədə məlumat da yerləşdirilib. Məlumatda "Aşton Yunated" "Mançester Siti"nin hücumçusu Erlinq Haland üçün 28 günlük icarə təklifi təqdim etdiyini təsdiqləyə bilər. Mövcud Premyer Liqa çempionları 2022-ci il FİFA Dünya Kuboku səbəbiylə dekabrın sonuna qədər fəaliyyət göstərmədiyi üçün, klub Halandın Qətərdə iştirak etməməsi ilə əlaqədar oyun formasını saxlamasına dəstək məqsədilə Etihaddakı qonşularımızla əlaqə saxlayıb. "Mançester Siti" hazırda oynamır və biz Erlinqin formada qalmasına kömək etmək istəyirik. Bu onun altı həftə qolf oynamasından daha mənalıdır. Düşünürük ki, o, komandamızın dinamikinə çox yaxşı uyğunlaşacaq. Klub hələ ki, "Mançester Siti"dən heç bir cavab almayıb" - ifadələri yer alıb.

"Aşton Yunayted" İngiltərədə Şimal Premyer Liqasının əsas divizionunda çıxış edir.

Səbuhi Həsənov