Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
735 milyon insan... - Dünyanın beş bölgəsində aclıq təhlükəsi
2025-ci ildə dünyada təxminən 735 milyon insan aclıqdan əziyyət çəkir. İlkin hesablamalara görə, bu, dünya əhalisinin 9,1%-ni təşkil edir.
Qaynarinfo xəbər verir ki, bu barədə "RİA Novosti" agentliyinə BMT-nin Ərzaq və Kənd Təsərrüfatı Təşkilatının (FAO) Rusiya Federasiyası ilə əlaqələr üzrə ofisinin direktoru Oleq Kobyakov bildirib.
"Qlobal birliyin hələ də aclıqla mübarizə apara bilmədiyini etiraf etmək məcburiyyətindəyik", deyə o bildirib.
Onun sözlərinə görə, bu il dünyada ərzaq təhlükəsizliyi və qidalanma vəziyyəti 2015-ci il səviyyəsini üstələyir. Kobyakov aclığın əsas səbəbləri kimi silahlı münaqişələri, təbii fəlakətləri və koronavirus pandemiyasının nəticələrini göstərib. O qeyd edib ki, bu problem Qəzza zolağında, Sudanda, Cənubi Sudanda, Malidə və Haitidə müşahidə olunur. Kobyakovun bildirdiyinə görə, bu ölkələrin sakinləri hətta əsas fizioloji ehtiyaclarını ödəmək üçün qida çatışmazlığından əziyyət çəkirlər.
Mövcud proqnozlara görə, əgər mövcud tendensiyalar davam edərsə, 2030-cu ilə qədər dünyada 512 milyon insan xroniki qidalanma çatışmazlığından əziyyət çəkəcək ki, bunların 60%-i Afrikada yaşayacaq. Kobyakovun fikrincə, bunu nəzərə alaraq beynəlxalq əməkdaşlığı gücləndirmək və kənd təsərrüfatının inkişafına və aqroərzaq zənciri infrastrukturuna investisiyaları əhəmiyyətli dərəcədə artırmaq lazımdır.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər