Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
"Həkim də, usta da Çindən maşın gətirib satır, vergi ödəmir" - Ekspert
"Avtomobil satışı ilə artıq peşəkar satıcılar və sahibkarlar deyil, həkimlər, ustalar, bənnalar və müxtəlif peşə sahibləri də məşğul olur. Onlar Çindən avtomobil gətirib satırlar və heç bir vergi ödəmirlər".
Bunu Qaynarinfo-ya açıqlamasında nəqliyyat eksperti Eldəniz Cəfərov ölkədə avtomobil bazarında müşahidə olunan durğunluğun səbəblərindən danışarkən bildirib.
Ekspertin sözlərinə görə, bazarda qiymətlərin kəskin ucuzlaşmasından danışmaq düzgün deyil:
"2024-2025-ci illərdə Çindən gətirilən bəzi model avtomobillərin artıq yaşı artır. Buna görə də satıcılar onları daha aşağı qiymətə təklif edirlər. Amma bazarda yaranan durğunluğun əsas səbəbi bu deyil. Əsas səbəb hibrid avtomobillərin idxalına tətbiq edilən ƏDV güzəştlərinin ləğv olunmasıdır. Əvvəllər bu avtomobillər vətəndaşlar üçün daha əlçatan idi. İndi isə əlavə dəyər vergisi tətbiq olunduğundan qiymətlər yüksəlib və bu da insanların yeni avtomobil almaq istəyinə mənfi təsir göstərir".
Ekspert hesab edir ki, nəticədə alıcılar yeni deyil, işlənmiş avtomobillərə üstünlük verirlər:
"Bu, ölkədə avtomobil parkının yenilənməsini ləngidir. Məqsədimiz köhnə avtomobillərin mərhələli şəkildə dövriyyədən çıxarılması və vətəndaşların yeni, ekoloji cəhətdən daha təmiz nəqliyyat vasitələrinə keçidini təmin etməkdir. Hazırda isə bu proses arzu olunan sürətlə getmir".
Eldəniz Cəfərov bildirib ki, Azərbaycanda bir çox avtomobil istehsalçısının rəsmi nümayəndəlikləri fəaliyyət göstərsə də, bazarda onlarla rəqabəti çətinləşdirən başqa amillər də var:
"Rəsmi nümayəndəliyi olmayan sahibkarlar və fərdi şəxslər Çin istehsalı olan, Azərbaycan bazarı üçün nəzərdə tutulmayan, zəmanətsiz avtomobilləri ölkəyə gətirərək daha ucuz qiymətə satırlar. Bu isə rəsmi dilerlərin satışına ciddi mənfi təsir göstərir".
Bahar Rüstəmli
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər