Maskın Marsı araşdırmaq istəyi: 600 əməkdaş əlil olub - amputasiya, beyin travması və...

Qaynarinfo "Reuters"ə istinadla xəbər verir ki, iş adamı mümkün qədər tez Marsa uçmaq və orada məskunlaşanlarla koloniya təşkil etmək istəyir.

Agentlik bildirib ki, yaralananların çoxu ciddidir və ya əlil olub. Xüsusilə, "SpaceX"in yüzdən çox əməkdaşı kəsiklər və ya yaralar alıb, 29 halda sümüklərin sınığı və yerindən çıxması, 9 halda kəllə sınığı da daxil olmaqla kəllə-beyin travması olub. Səkkiz qəza nəticəsində zərərçəkənlərin əzaları amputasiya edilib, 7 nəfərin gözü zədələnib, daha 5 nəfər isə yanıq xəsarətləri alıb.

Zavodun keçmiş və indiki işçiləri "Reuters"ə bildiriblər ki, xəsarətlər xaos nəticəsində baş verib və bu, həddən artıq işləyən və zəif təlim keçmiş işçiləri Maskın sərt müddətlərinə cavab vermək üçün əsas təhlükəsizlik tələblərinə məhəl qoymağa məcbur edib.

Eyni zamanda, bir top menecer də daxil olmaqla ondan çox keçmiş işçinin agentliyə dediyi kimi, "SpaceX" işçilərin öz təhlükəsizliklərinə cavabdeh olması siyasətinə sadiqdir.

Daha əvvəl amerikalı jurnalist İlon Maskın içinə vaxtaşırı "cin girdiyini” deyib.