Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Meyvə nə vaxt yeyilməlidir? - Mütəxəssislər doğru zamanı açıqlayır
Meyvə istehlakı ilə bağlı cəmiyyətdə geniş yayılmış bir çox inanclar mövcuddur. Lakin mütəxəssislərin bildirdiyinə görə, bu inancların əksəriyyəti elmi faktlara əsaslanmır. Meyvənin nə vaxt istehlak olunması ilə bağlı məsələlər düzgün və etibarlı məlumatlar əsasında qiymətləndirilməlidir. Meyvə istehlakının sağlamlıq üçün çoxsaylı faydaları var. Portağal, alma, armud, giləmeyvə növləri və digər meyvələr vitamin və mineral baxımından zəngin hesab olunur. Ancaq bu faydalardan maksimum yararlanmaq üçün meyvələrin düzgün şəkildə istehlakı vacibdir. Mütəxəssislər bildirir ki, meyvə ilə bağlı cəmiyyətdə "doğru” kimi qəbul edilən bir çox yanlış təsəvvür mövcuddur.
Meyvə boş mədəyə yeyilə bilər?
Qaynarinfo xəbər verir ki, sağlam qidalanma üzrə mütəxəssislər liflə zəngin qidaların toxluq hissini daha uzun müddət saxladığını qeyd edirlər. Bu baxımdan meyvələr gün ərzində toxluq hissinin qorunmasına kömək edə bilər.
Cəmiyyətdə geniş yayılmış inanışa görə, meyvə boş mədəyə yeyildikdə daha faydalı olur. Həmçinin hesab edilir ki, meyvə tox halda qəbul edildikdə həzmi çətinləşdirir və mədə narahatlıqlarına səbəb olur. Lakin mütəxəssislər bildirir ki, meyvənin tərkibindəki liflərin həzmi dəstəkləməsi faktı istisna olmaqla, onun həzm prosesinə zərər verdiyini sübut edən elmi dəlil yoxdur.
Meyvələrdən maksimum fayda əldə etmək üçün mütləq boş mədə ilə istehlak edilməli olduğu fikri də elmi əsaslara söykənmir. Əksinə, meyvələr tərkibində C vitamini baxımından zəngin olduğu üçün digər qidalardakı dəmirin orqanizm tərəfindən mənimsənilməsini artırır və qida maddələrinin sorulmasına mane olmur.
Meyvəni təkbaşına yemək vacibdirmi?
Mütəxəssislər bildirir ki, meyvənin təkbaşına qəbul edilməsinin həzmi yaxşılaşdırdığına dair elmi sübut yoxdur. Qidalanma üzrə mütəxəssislər meyvənin əsas yeməklərlə və ya ara öyünlərlə birlikdə istehlak olunmasını tövsiyə edirlər.
Bəzi inanışlara görə, meyvə kimi şəkər miqdarı yüksək olan qidalar qan şəkərinin sürətlə yüksəlməsinə və həzm sisteminin "oyanmasına” səbəb olur. Lakin mütəxəssislər vurğulayırlar ki, karbohidrat tərkibli istənilən qidanın günün istənilən saatında qəbul edilməsi qlükozanın sorulmasına və qan şəkərinin yüksəlməsinə səbəb ola bilər. Bununla belə, bu proses metabolizmanın sürətinə birbaşa təsir göstərmir.
Günay
Oxşar xəbərlər
Müasir gözəlliyin sirri kollagen nədir?
Sağlamlıq
06.02.2026
Bağırsaq üçün ən faydalı 5 tərəvəz
Sağlamlıq
06.02.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər