Millinin keçmiş üzvü polisə təslim oldu

Qaynarinfo-nun məlumatına görə, Formentonun vəkilləri London, Ontario və Kanada polisinin ona, həmçinin bir neçə digər oyunçuya qarşı ittiham irəli sürdüyünü bildirib.

Bu mövsüm Avropada çıxış edən Formenton da daxil olmaqla, Kanada millisinin 2018-ci ildəki heyətindən beş oyunçu, klublarından qeyri-müəyyən müddətə məzuniyyətə göndərilib. Həmçinin onun hazırkı komandası, İsveçrə klubu "Ambri-Piotta"dan hokkeyçiyə şəxsi səbəblərə görə qeyri-müəyyən məzuniyyət və Kanadaya evə qayıtmasına icazə verildiyi açıqlanıb.

24 yaşlı bir qadın, 2018-ci ilin iyun ayında oteldə dəfələrlə cinsi təcavüzə məruz qaldığını iddia qaldıraraq Ontario Ali Ədalət Məhkəməsinə müraciət edib.  Müraciətdə "Hockey Canada" və "Canadian Hockey League" (CHL) da bu işdə təqsirləndirilən tərəflər kimi göstərilib.

Liqa və federasiya oyunçuları ittiham edən qadınla razılığa gəldikdən sonra cinsi qısnama müraciəti tezliklə ləğv olunub. Hadisələrin inkişafı ictimaiyyətin mənfi reaksiyasına səbəb olduğu üçün, bir sıra sponsorlar Kanadanın hokkey federasiyası ilə əməkdaşlıqdan imtina edib. Nəticədə "Hockey Canada" tezliklə keçmiş gənclər komandasının oyunçularına qarşı cinsi istismar iddiası ilə bağlı araşdırmanın bərpa olunduğunu elan edib. Həmçinin təxminlərə kifayət qədər cavab verilmədiyinə görə federasiya tərəfindən üzr istənilib. Bununla yanaşı Milli Hokkey Liqası (NHL) tərəfindən də daxili araşdırma təşkil edilib.

2024-cü il yanvarın sonunda isə mediada beş kanadalı hokkeyçiyə hüquq-mühafizə orqanlarına təslim olmaq əmri verilməsi ilə bağlı xəbərlər yer alıb.