Putinin yanlış hesabı, Paşinyanın dirənişi, sovet təfəkkürünə malik idarəçilər... - Asim Mollazadə ilə müsahibə

Qaynarinfo mövzunun aktuallığını nəzərə alaraq Demokratik İslahatlar Partiyasının sədri, deputat Asim Mollazadə ilə müsahibədə ilk olaraq bu məsələyə toxunub.

- Bir neçə səbəb ola bilər. Bunlardan biri əlbəttə ki, Ukrayna xalqının dövlət müstəqilliyini qorumaq üçün səfərbər olmasıdır. Ukrayna xalqının birliyi dünyanın da onlara dəstək verməsini şərtləndirdi ki, bu da ikinci səbəb hesab edilə bilər. Bundan əlavə, məlum oldu ki, Rusiya heç də müasir hərbi texnikaya malik deyil. Rusiya hərbi qüvvələrinin strategiyası daha çox İkinici Dünya Müharibəsi və ondan sonrakı dövr üçün uyğunluq təşkil edir. Yəni, Rusiya yeni dövrə uyğun hərbi texnikaya və strategiyaya malik deyil. Moskva yalnız raket zərbərləri ilə uğur qazanmağa çalışır. Quruda hərbi əməliyyatlar keçirməyə çətinlik çəkir. Bu da müharibənin uzanmasının bir səbəbidir. Bir məqamı da nəzərə almaq lazımdır ki, Ukrayna əsgərinin öz torpağını qorumaq motivasiyası var. Rus əsgərlərində isə belə bir motivasiya yoxdur.

- Bilmirəm onların hesablamaları nədən ibarətdir. Amma biz çox istərdik ki, çoxlu sayda mülki insanın ölümünə səbəb olan bu faciəvi hadisə tezliklə bitsin. Azərbaycan dövləti, Azərbaycan xalqı  bu porsesə humanitar nöqteyi-nəzərdən yanaşır. Azərbaycan Ukraynaya çoxlu humanitar yardım göndərir. Bura tibbi ləvazimatlar, qida və s.daxildr. 

- Mən Rusiya xalqının qərarlarına müdaxilə etmək və buna şərh vermək istəmirəm. Hər bir ölkənin xalqının özünə rəhbər seçmək imkanı olmalıdır. Özləri bilərlər.

- Ən azı bizim marağımız ondan ibarətdir ki, qonşuluqda normal dövlət olsun. Biz əməkdaşlığın, humanitar sahədə əlaqələrin, ticarətin tərəfdaıyıq.Onun üçün də normal bir qonşu dövlət görmək istəyirik. 

- Hal hazırda əhalini küçəyə çıxarmaq üçün daşnaklar, hərbi cinayətkarlar olan "Qarabağ klanı” fəallıq göstərir. Onlar çox qorxurlar ki, Ermənistan Türkiyə və Azərbaycanla normal münasibətlər quracağı təqdirdə sonları gələcək. Lakin göründüyü kimi onlar kütləviliyə nail ola bilmirlər. Hətta Qarabağdakı müharibədən sonra Ermənistan xalqı sülhə, Paşinyan hökumətinə səs verib. Bu adamlar görürlər ki, siyasi yollarla hakimiyyəti geri qaytara bilmirlər. Ona görə də ənənəvi üsullarından – terrordan istifadə etməyə cəhd göstərə bilərlər. Artıq belə məlumatlar yayılıb ki, bir sıra beynəlxalq erməni terror təşkilatlarının nümayəndələri artıq Ermənistandadır. Hətta onlardan bir neçəsi aksiyalar zamanı həbs olunub. Onların küçələrdə mövcudluğunun başlıca səbəbi məsuliyyətə cəlb olunmamaları ilə bağlıdır. Bu adamlar hərbi cinayətkarlardı və hərbi tribunalda mühakimə olunmalıdırlar. Təəssüf ki, dünya onların törətdiyi cinayətlərə göz yumub. Bu adamlar layiqli cəzalarını almadıqlarına görə yenidən terrorla hakimiyyəti zəbt edib bölgədə müharibəni alovlandırmaq istəyirlər. 

- Bilirsiniz. Artıq zaman dəyişib. İndi onların qarşısında böyük hərbi gücə malik olan Azərbaycan var. Bizim "dəmir yumruğumuz” yerindədir. Ona görə də hesab edirəm ki, onlar məqsədlərinə çata bilməyəcəklər. 

- Təbii ki, mümkün ola bilər. Burada hansısa problem görmürəm. Əslində Azərbaycan həmişə Ermənistanı normal danışıqlara çağırır. Paşinyan üçün öz dövlətini və hətta öz hakimiyyətini qorumaq üçün yeganə yol Türkiyə və Azərbaycana qarşı ərazi iddialarına son qoyub, normal münasibətlər formalaşdırmaq və sülh sazişi imzalamaqdır.

- Heç şübhəm yoxdur ki, bütün məsələlər həllini tapacaq. Azərbaycanla heç kəs güc və şantaj yolu ilə danışa bilməz. Hər şey beynəlxalq hüquq normaları çərçivəsində həllini tapmalıdır. Azərbaycan bölgədə sülh, sabitlik, kommunikasiyaların açılmasını istəyir. Bu bizim maraqlarımıza uyğundur. Bunun qarşısını almaq istəyən hər hansı qüvvə Azərbaycan xalqının sərt mövqeyi ilə üzləşə bilər. 

- Bu gün ən müasir hərbi qüvvələr Azrbaycandadır. Türkiyə Azərbaycan Silahlı Qüvvələrinin inkişafına böyük dəstək verir. Azərbaycan Silahlı Qüvvələri bu gün bölgədə sabitliyi qorumaq kifayət qədər ciddi bir gücdür.

- Bizim niyyətimiz dövlətin ikişafı və bunun üçün islhatların həyata keçirilməsidir. Bu istiqamətdə müəyyən addımar atılıb və biz də müsbət addımlara dəstək verməyə hər zaman hazırıq. Hesab edirik ki, Azərbaycanda siyasi mədəniyyət artmalı, bu istiqamətdə yeni gənc nəsil yetişməli və idarəetmə sisteminə hazır olmalıdır. Sovet təfəkkürünüə malik olan idarəçilər dövlət sistemindən uzaqlaşdırılmalıdır. Siyasi partiyaların da ölkdəki müsbət proseslərə dəstək verməsini normal hesab edirəm. Hansısa mənfi hallara qarşı isə bütün ictimaiyyətin və siyasi qüvvələrin mübarizəsinə ehtiyac var.