Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Rusiya Polşaya hücuma hazırlaşır? (ŞƏRH)
"Bu, məqsədyönlü şəkildə edilmiş hadisə deyil, ancaq təsadüfi olmamaqla yanaşı, Rusiya ordusunun qeyri-peşəkarlığının növbəti nümunəsidir".
Bunu Qaynarinfo-ya açıqlamasında hərbi ekspert Üzeyir Cəfərov Rusiyanın Ukraynaya qarşı istifadə etdiyi pilotsuz uçuş aparatlarının (PUA) Polşanın hava məkanına daxil olması məsələsini şərh edərkən deyib.
"Rusiyanın Ukraynaya hücum zamanı istifadə etdiyi pilotsuz uçuş aparatları Polşanın hava məkanına ilk dəfə deyil ki, daxil olur. Bundan əvvəl də həm Polşa, həm Rumıniya, həm də Belarus ərazisinə Rusiyanın atdığı PUA-lar düşüb", deyə ekspert bildirib.
Belə hadisələr həmsöhbətimizə görə, Rusiya ordusunun qeyri-peşəkarlığından xəbər verir:
"Hər dəfə təkrarlayırlar ki, ancaq hərbi hədəfləri vururlar. Ancaq ötən günlərdə Ukrayna hökumət binasına, habelə Azərbaycan səfirliyinin yaxınlığına da raket zərbələri endiriblər. İndi də Polşanın hava məkanına PUA-lar daxil olub".
Ekspertə görə, Varşavanın buna cavabı diplomatik müstəvidə olacaq:
"Yəqin ki, rəsmi Varşava Kremlə müəyyən xəbərdarlıqlar edəcək. Polşanın buna qarşı hansısa diplomatik addımları atacaq, Moskvaya xəbərdarlıq edəcək. Ancaq cavab zərbələri endirməsi isə gözlənilmir. Polşa kifayət qədər təmkin nümayiş etdirən ölkədir. Başqa bir tərəfdən, Rusiya Polşaya hədə-qorxu gələ bilməz. Rusiya hazırda öz ərazisilə bağlı çətinliklər çəkir. Polşa isə NATO-nun ən hazırlıqlı ordusuna malikdir. Moskvanın bu hərəkəti məsuliyyətsizlik, cəzasızlıqdan qaynaqlanır".
Qeyd edək ki, sentyabrın 9-dan 10-na keçən gecə Rusiyanın Ukraynaya atdığı pilotsuz uçuş aparatları (PUA) Polşanın hava məkanına daxil olub. Bu barədə Polşanın Hərbi Komandanlığı məlumat yayıb. Polşa Silahlı Qüvvələrinin Operativ Komandanlığı bildirib ki, əməliyyat davam edir, Podlaskie, Mazoviekie və Lublin bölgələri risk altında olduğuna görə əhaliyə evdə qalmaq tövsiyə olunub.
Müdafiə naziri Vladislav Kosinyak-Kamiş isə Polşa təyyarələrinin düşmən obyektlərinə qarşı silah tətbiq etdiyini açıqlayıb.
Rüfət Sultan
Oxşar xəbərlər
Rusiya Polşaya hücuma hazırlaşır? (ŞƏRH)
Dünya
10.09.2025
Nepalı kim və niyə "yandırdı"? (ŞƏRH)
Dünya
10.09.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər