Afrika xalqlarının azadlığı uğrunda mübarizəyə görə Prezident Vladimir Putin adına Beynəlxalq Mükafat afrikalı siyasətçilərə veriləcək.
Qaynarinfo xəbər verir ki, bu barədə təşkilat komitəsinin sədri Mahamadi Savadoqo TASS-a
bildirib.
Dekabrın 28-də mükafatın təqdimat mərasimi Burkina-Fasonun paytaxtı Uaqaduquda baş tutub.
"Biz istərdik ki, mükafatlandırma mərasimi Moskvada keçirilsin və şəxsən Vladimir Putin tərəfindən təqdim olunsun. Təbii ki, dəyişikliklər ola bilər”, - deyə Mahamadi Savadoqo agentliyə bildirib. Onun sözlərinə görə, mükafat "başqalarını suverenliyi müsbət və konstruktiv şəkildə müdafiə etməyə ruhlandırmaq üçün katalizator ola bilər”.
Vladimir Putin mükafatının təqdimatı dekabrın 28-də Uaqaduquda baş tutub. Onun təsisçisi Kot-dİvuar yazıçısı, "Afrikada Vladimir Putinə tam dəstək” ictimai təşkilatının üzvü Solven Takuedir. Mahamadi Savadoqonun sözlərinə görə, mükafat müstəqil siyasət yürüdən Afrika liderlərinə veriləcək.
Nizami Bağırov
Şərhlər