Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
"Amazon" 500 min işçisini robotlarla əvəzləməyə hazırlaşır
Onlayn alış-veriş nəhəngi "Amazon" işçi qüvvəsinin 75 faizini avtomatlaşdırmağı planlaşdırır. Sızdırılmış sənədlərə görə, şirkət 500 min işçisini robotlarla əvəz edəcək.
Qaynarinfo xəbər verir ki, "The New York Times" qəzetinin əldə etdiyi sənədlər göstərir ki, "Amazon" ultrasürətli çatdırılma üçün nəzərdə tutulmuş, demək olar ki, insan əməyinə ehtiyac duyulmayan anbarlar qurmağa çalışır.
Məlumatlara əsasən, şirkətin robot texnologiyaları üzərində çalışan komandası əməliyyatların 75 faizini avtomatlaşdırmaq hədəfini qarşısına qoyub. Bu da təxminən 500 min nəfərin işini itirəcəyi deməkdir.
Son iyirmi il ərzində Amerika Birləşmiş Ştatlarında "Amazon" qədər əmək bazarına təsir edən başqa bir şirkət olmayıb.
Ölkənin ikinci ən böyük işəgötürəni olma yolunda irəliləyən "Amazon" yüz minlərlə anbar işçisi işə götürüb, yeni, lakin mübahisəli bir iş modeli yaradıb və işçi qüvvəsinin idarə olunması və izlənməsi üçün texnologiyadan istifadəni genişləndirib.
"Amazon"un ABŞ-da işçi sayı 2018-ci ildən bəri üç dəfədən çox artaraq 1,2 milyon nəfərə çatıb. Lakin şirkətin avtomatlaşdırma komandası hesab edir ki, 2027-ci ilə qədər "Amazon" təxminən 160 min yeni işçinin işə götürülməsindən imtina edə biləcək.
Bu, şirkətə hər bir məhsulun yığılması, qablaşdırılması və çatdırılması prosesində təxminən 30 sent qənaət etməyə imkan verəcək.
2033-cü ilə qədərki hədəflər
Şirkət rəhbərləri bildirirlər ki, 2033-cü ilə qədər satışların iki dəfə artması gözlənilir. Onlar ümid edirlər ki, robotlaşdırılmış avtomatlaşdırma sayəsində "Amazon" gələcək illərdə ABŞ-da işçi sayını artırmadan fəaliyyətini genişləndirə biləcək.
Bu, "Amazon"un 600 mindən artıq yeni iş yerinin açılmasına ehtiyac qalmayacağı anlamına gəlir.
Günay
Oxşar xəbərlər
Yeni anti-Rusiya bloku yaradılır? (ŞƏRH)
Dünya
22.10.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər