Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Amerika süni intellektini özünə qarşı istifadə etdilər
Kiber müharibələr və informasiya manipulyasiyası süni intellekt texnologiyalarının inkişafı ilə yeni və daha mürəkkəb mərhələyə keçib. Açıq mənbələrdə yayılan son təhlükəsizlik hesabatlarına görə, Çin mənşəli olduğu iddia edilən kiber qruplar ABŞ-da ictimai narazılıq yaratmaq məqsədilə süni intellekt sistemlərindən istifadə edib.
Qaynarinfo xəbər verur ki, "OpenAI” təhlükəsizlik komandalarının açıqlamasına əsasən, manipulyasiya məqsədilə yaradılmış çoxsaylı hesablar platformadan silinib. Hadisənin diqqətçəkən tərəfi isə bu əməliyyatlarda ABŞ istehsalı olan süni intellekt modellərinin də dolayısı ilə istifadə edilməsidir.
İki istiqamətli təsir kampaniyası
Məlumata görə, əməliyyat iki əsas istiqamətdə aparılıb. "Məlumat Mərkəzi Karvanı” adı verilən ilk istiqamətdə ABŞ daxilində yeni data mərkəzlərinin enerji sərfiyyatı qabardılaraq elektrik xərclərinin artacağı barədə narahatlıq yaradılmağa çalışılıb.
Sosial şəbəkələrdə yayılan bu məzmunlarda saxta hesablar vasitəsilə genişmiqyaslı paylaşım kampaniyası aparıldığı bildirilir. Eyni zamanda bəzi ictimai fiqurların adlarından da istifadə edildiyi qeyd olunur.
İkinci istiqamət isə qlobal texnoloji rəqabət və geosiyasi gərginliklər üzərində qurulub. X platformasında yayılan mesajlarda ABŞ-ın rəqəmsal nəzarət və təsir siyasəti həyata keçirdiyi iddia olunub.
İctimai narahatlıq və enerji müzakirələri
ABŞ-da data mərkəzlərinin enerji istehlakı onsuz da ictimai müzakirə mövzusudur. Bu vəziyyətin dezinformasiya kampaniyaları üçün zəif nöqtə kimi istifadə olunduğu bildirilir.
Mütəxəssislərə görə, bəzi paylaşımlarda real xəbər mənbələri və montaj edilmiş vizuallar birləşdirilərək daha inandırıcı görüntü yaradılmağa çalışılıb.
Kampaniya nəzarət altına alınıb
"OpenAI” təhlükəsizlik sistemlərinin müdaxiləsi nəticəsində kampaniyanın geniş miqyaslı təsir yaratmasının qarşısı alınıb. Rəsmi qiymətləndirmələrə görə, hadisə geniş ictimai dalğa yaratmadan lokallaşdırılıb.
Bununla belə, araşdırmalar göstərir ki, bəzi hesabların xarici dövlətlə əlaqəli kiber strukturlar tərəfindən idarə edildiyi ehtimal olunur.
Süni intellekt və kiber təhlükəsizlik
Mütəxəssislər bu hadisənin süni intellekt texnologiyalarının yalnız innovasiya deyil, həm də strateji kiber təhlükə vasitəsinə çevrildiyini göstərdiyini bildirir. Hadisə, dövlətlərarası rəqabətdə süni intellektin rolunun daha da artdığını ortaya qoyur.
Aydın
Oxşar xəbərlər
"Facebook" və "Instagram" çökdü
Texnologiya
12.06.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər