Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Şekspir ölümündən əvvəl Londonda ev alıb: İlk dəfə dəqiq lokasiya açıqlandı
Britaniyalı tədqiqatçılar Uilyam Şekspirin 1613-cü ildə – ölümündən üç il əvvəl aldığı London daşınmaz əmlakının dəqiq yerini müəyyənləşdiriblər. Ev Temza çayına yaxın Blekhfriars rayonunda yerləşib.
Qaynarinfo xəbər verir ki, bu barədə "The New York Times" yazır.
Kəşfi London Kral Kollecinin professoru Lusi Manro XVII əsrə aid arxiv sənədlərini təhlil edərək edib. Əvvəllər yalnız təxmini yer məlum idi, lakin indi həm dəqiq sahə, həm də ölçülər müəyyənləşdirilib.
Araşdırmaya görə, ev Şekspirin truppasının çıxış etdiyi Blekhfriars teatrının yaxınlığında yerləşib. Həmin teatr "Kralın adamları” truppasına məxsus idi və Şekspir üçün əsas səhnələrdən biri sayılırdı. Yaxınlıqda həmçinin Qlobus teatrı da yerləşirdi.
Lusi Manronun sözlərinə görə, bu kəşf dramaturqun həyatının son dövrü ilə bağlı ənənəvi təsəvvürləri dəyişir:
"Bu kəşf Şekspirin sadəcə Stratforda köçdüyü barədə narrativi şübhə altına alır. Bu, onun Londonla münasibətlərini yenidən düşünməyə vadar edir: o, 1613-cü ildə niyə Londonda daşınmaz əmlak almaq istəyirdi?”
Şekspirin həyatı ilə bağlı yeni versiyalar
Tədqiqatçı hesab edir ki, Şekspir Londonda daha çox vaxt keçirməyi və yaradıcılığını davam etdirməyi planlaşdırmış ola bilər. Hətta "İki zadəgan qohum” pyesinin bir hissəsinin məhz bu evdə Cohn Fleçerlə birlikdə yazıldığı istisna edilmir.
"Onun bu mülkü şəxsi istifadə üçün almaq istəmədiyinə şübhə etməyimin səbəblərindən biri onun Blekhfriarsda yerləşməsidir”, deyə Manro bildirib.
Digər ekspertlər də dramaturqun 1611-ci ildən sonra da Londonda aktiv qaldığını düşünürlər.
"Bu sənədlər Şekspirin 1611-dən sonra Londonda olmasını qəti sübut etməsə də, uzun müddətdir irəli sürülən ehtimalları daha da gücləndirir”, deyə tədqiqatçı Rene Vays bildirib.
Evə nə oldu?
Bina 1666-cı ildə baş verən Böyük London yanğını zamanı məhv edilib ki, bu da onunla bağlı məlumatların azlığını qismən izah edir.
Daha sonra məlum olub ki, ərazi kifayət qədər böyük olub və hətta iki evə bölünmüş ola bilər. Tədqiqatçılar həmçinin bu mülkün investisiya, yaşayış və ya iş məkanı kimi istifadə edilmiş ola biləcəyini düşünürlər.
Aydın
Oxşar xəbərlər
İranda PUA istehsalı 10 dəfə artdı
Dünya
16.04.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər