Həyatımın son 10 gününü sözləri Vaqif Səmədoğluya məxsus, Mehriban Zəkinin isə səsləndirdiyi bu şeirə qulaq asmaqla keçirirəm. Qulaq asmayanda belə, dilimdə, beynimdə bu iki söz fırlanır: "heç kəsə demə”...

Ruhuma o qədər hopub ki, istəyirəm, bir qaranlıq gecədə Bakının ən hündür nöqtəsinə çıxaraq qışqırım, deyim ki, "heç kəsə” demə...

Deyim ki:

"Daş evlər arasında neyləyər duman mənə,

Gülüm, diriyəm yenə, heç kəsə demə”...

O qədər bağırım ki, yatmış Bakının iliyinə qədər hopub, əks-səda versin: "heç kəsə demə”...

Ya da ölmüş bir cismin ruhu gecənin bu çağında bir doğma pəncərədən içəri sivişib pıçıldaya: "Gülüm, diriyəm yenə, heç kəsə demə...”

Sonra anlayım ki, hər gün nə qədər insana "heç kəsə demə” deyib, öz sözümüzü, başqasının sirrini veririk...

Hər gün Bakının küçələrində "heç kəsə demə”, deyə-deyə dolaşırıq, dolanırıq.

Görəsən nə qədər insanın "heç kəsə demə” dediyi sirri saxlayırıq qəlbimizdə?

Nə qədər insanın "heç kəsə demə” dediyi sirlərlə gömüləcəyik torpağa?

Bakının hansı dumalı günündə, yanıb-sönən çırağın hisində sirr verib, sirr alacağıq "heç kəsə demə” deyərək.

Sonra fikirləşirəm, deyirəm, mən də o qədər "heç kəsə demə” demişəm ki.

"Heç kəsə demə” dediyimiz hansı sirlər hamıya deyilib?

Bunu niyə edib, hansı sirrimizə sevinib, hansına üzülüb?

Ən acısı isə azdığımız hansı dumanda əlimizdən tutub "heç kəsə demə” deyən neçə dost əli qalıb?

Ya da sən demədən belə, baxdığın baxışda, süzülən iki damla yaşda bu sözü anlayan neçə nəfər olub?

Neçə heç kəslər sirr ortağımız olub?

Neçə nəfər heç kəsə heç nə deməyib, bu ifadənin sehrinə düşüb?

İki kəlmənin sehri "heç kəsə demə”...

Və mənim kimi şeirin sehrinə düşmək istəyənlərə...

Bakıya duman gəlib,

Deyəsən, yaman gəlib,

Heç kəsə demə...

Bu dumana qapımdan,

Çıxan kimi azmışam

yenə şeir yazmışam,

heç kəsə demə...

Daş evlər arasında

Neyləyər duman mənə?

Gülüm, diriyəm yenə,

Heç kəsə demə...

Günay İlqarqızı

Şərhlər (0)

Oxşar xəbərlər

Bloqlar

Hüseynbala Səlimov

Nikol Mkrtçların psixologiyasını dəyişə biləcəkmi?..

Məqsəd Nur

Yenilmiş batalyon

Amal Abuşov

Çarəsiz Bojoviç, ümidsiz "Neftçi"

Hüseynbala Səlimov

Həqiqətənmi Gürcüstana təhdid var?..

Asif Nərimanlı

Dörd kənd necə qaytarıldı? - İlham Əliyevin qələbə strategiyasının detalları

Amal Abuşov

AFFA üçün hazır proqram

Asif Nərimanlı

Astana Bakıya qarşı hansı plana qoşulur? - Tokayevin İrəvana səfərinin şifrələri

Hüseynbala Səlimov

Qərb-Rusiya qarşıdurması Qərb-Şərq qarşıdurmasına çevrilə bilərmi?

Amal Abuşov

Cəbiş müəllimdən Ağadadaşa həyat dərsi

Sorğu

Saytda hansı materialların daha çox olmasını istərdiniz?

Araşdırma

Köşələr, müəllif yazıları

Müsahibələr

Reportaj

Video layihələr

Özəl xəbərlər

Pozitiv

XƏBƏR LENTİ

Şərhlər

Pozitiv

Xəbər lenti

Heç kəsə demə...

Oxşar xəbərlər

Deputat kirayədə necə yaşasın? – Yol xəritəsi

Dəyməyin Sevillərə, imkan verin xoşbəxt olsun!

Nazirliyin bu kinosu da bitdi...