Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
İmtahanda unikal hadisə: Ana və qızı eyni gündə yüksək baş topladı (FOTO)
Dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanının növbəti mərhələsi başa çatıb. Sertifikatlaşdırma prosesinin beşinci günündə fizika fənni üzrə Şəki-Zaqatala regionu üzrə 518 müəllim imtahanlara qatılıb.
Bizim.Media-nın yerli bürosu xəbər verir ki, imtahana qatılan 518 müəllimin arasında iki nəfər də vardı - ana Aynur Qədirova və qızı Leyla Yusifova.
Onların hər ikisi fizika müəllimidir.
Aynur Qədirova Şəkinin Dəhnə kənd tam orta məktəbin fizika müəllimidir və 30 ilə yaxındır ki, kənddə bu fəndən dərs tədris edir. Qızı Leyla isə müəllimlərin işə qəbulu imtahanlarından uğurla keçərək rayonun Turan qəsəbəsində çalışır. Onlar imtahana birlikdə qatılıb.
Bu maraqlı məqam isə Bizim.Media-nın əməkdaşının diqqətindən yayınmayıb.
İmtahandan əvvəl fürsətdən yararlanıb ana və övladına yaxınlaşırıq. Aynur müəllimə bu sahədə on illər çalışmasına baxmayaraq, yüzlərlə şagird yetişdirsə də, çox həyəcanlı olduğunu deyir. Təcrübəli müəllim "Hər dəqiqənin bir hökmü var, hər şey ola bilər. Əlbəttə hər kəsin arzususudur ki, ən yüksək nəticə göstərsin. Hər kəsə uğur diləyirəm” deyərək imtahanların sonunu gözləməyi tövsiyə edir.
Leyla isə çox rahat və sakit görünür və imtahandan keçəcəyini hətta nəticəsinin yüksək olacağına əmin görünürdü.
Beləcə imtahanlar başlayır. Saat 13-dən başlayaraq imtahan zallarının qapısı açılır. Müəlimlər bir-iki çıxmağa başlayır. Kimi yenə gərgin və əsəbi, kimi gözüyaşlı və kimlər də üzündə gülüş dolu məqamlarıyla yadda qalır.
Və budur ana və övladının da qapıdan çıxması diqqətimizdən yayınmır.
Onların gözlərində sevinc hiss olunur.
- Aynur müəlliməni təbrik edirik. İnanırıq ki, nəticəsi əladır...
- Çox sağ olun. Bəli, 56 bal toplamışam. Doğrusu çox həyəcanlı və narahat idim. Sizinlə səhərki söhbətdən sonra isə məsuliyyətim daha çox artmışdı.
- Bəs Leyla müəllimədə vəziyyət necədir?
- Leyla qızım, 53 bal toplayıb. Bir az tələskənliyə yol verib. Əlbəttə, təcrübə öz sözünü deyir. Yəqin evdə daha rahat müzakirə aparıb səhvlərimizi görə və təhlil edə biləcəyik”, deyərək ailə üzvlərinin yanına istiqamət alırlar.
Regional təhsil idarəsindən bildirilib ki, imtahanlarda 60 sual təqdim edilir və hər düzgün sual 1 balla cavablandırılır. Test imtahanında azı 30 bal toplamış təhsilverənlər sertifikatlaşdırmanın müsahibə mərhələsinə keçmək hüququ qazanırlar.
Qeyd edək ki, 30-50 arası bal toplayanlara maaşın 10 faizi, 51 və daha çox bal toplayanlara isə müsahibə mərhələsindən sonra maaşın 35 faizi qədər artım əlavə olunur.
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər