Putinlə görüşün gündəliyi nədən asılı olacaq? - 2 ay əvvəl, bu gün və 2 ay sonra...

Qaynarinfo Pravda.com-ua-ya istinadla xəbər verir ki, bunu Prezident Vladimir Zelenski ukraynalı jurnalistlərə müsahibəsində deyib.

"Məncə, bu, görüşəcəyimiz andan asılı olaraq. Məqsəd dəyişir... Bu gün görüşsəydik, Mariupol məsələsi gündəmdə olardı, iki-üç aya görüşsək, bəlkə də bu məsələ artıq olmayacaq və ya qismən olacaq.

İlk vaxtlarda görüşsəydik, Ukraynanın hansı vəziyyətdə olduğunu başa düşürük. Bu gün görüşsək, haranın işğal olunduğunu, haranın da işğaldan azad edildiyini bilirik. İki ay sonra görüşsək, vəziyyətin necə olacağını bilmirik.

Mübadilə, işğalın aradan qaldırılması və sülh məsələsi ilə məşğul olmaq, müharibəni dayandırmaq - bütün gündəm budur".

Zelenski vurğulayıb ki, Ukrayna ərazilərin qaytarılmasını və müharibənin bitməsini istəyir. "Amma bu, necə olacaq, nə vaxt olacaq, bunlar Putinlə söhbətin nə vaxt olacağından asılıdır, - o deyib. - Düşünürəm ki, Ukrayna ilə Rusiya arasında danışıq dəqiq olacaq. Biz bilmirik ki, hansı formatda - vasitəçilərlə, vasitəçilərsiz, prezidentlər səviyyəsində, ikitərəfli və ya geniş dairədə", - Zelenski vurğulayıb.

O, bəyan edib ki, Ukrayna tərəfdaş ölkələrlə Rusiya Federasiyasının iştirakını nəzərdə tutmayan təhlükəsizlik zəmanəti sazişi üzərində işləyir.

"Bu gün hər şey o yerə çatıb ki, bu müqavilə Rusiyasız Ukrayna ətrafında tərəfdaş dövlətlər dairəsini nəzərdə tutur. Rusiyasız təhlükəsizlik qarantları", - prezident deyib.

Ayrıca, onun sözlərinə görə, Rusiya Federasiyasının prezidenti ilə ikitərəfli söhbət olmalıdır. Lakin onun həyata keçirilməsi həm də Rusiyanın işğal olunmuş ərazilərdə və "Azovstal”ın müdafiəçiləri ilə necə davranmasından asılı olacaq.

"Biz bunu imzaladıqdan sonra nə baş verəcək və bu müqavilə necə olacaq – bunu görəcəyik, sonra görüş olacaq, ya olmayacaq, Mariupolun dəhşətli nəticələri üzə çıxacaqmı, ya biz Mariupol, Volnovaxaya və s. yerlərə girəcəyikmi və bir də Allah eləməsin "Buça”nın beş qatını oralarda da görəcəyikmi?.. Bəlkə bundan sonra heç görüş olmayacaq... Mariupollularla necə rəftar edirlər... Bu gün görürük ki, onlar elə bir forma tapıblar ki, bu adamlar ("Azovstal”ın müdafiəçiləri. - red.) sağ qalıb və oradan çıxarılıb. Sonra mübadilə olacaq. Bu proseslərin nəticələrindən də çox şey asılıdır”, - Zelenski vurğulayıb.

Mayın 17-də Rusiya Xarici İşlər Nazirliyi Ukrayna ilə danışıqların davam etmədiyini açıqlayıb, çünki Kiyev faktiki olaraq danışıqlar prosesindən geri çəkilib.

Prezident Aparatı rəhbərinin müşaviri Mixail Podolyak təsdiqləyib ki, hazırda Rusiya ilə danışıqlar bir sıra səbəblərə görə dayandırılıb.