Yasamal rayonu, Tiflis prospekti, "İST Petrol"un qarşısında qızlarını diləndirən ata həbs edilib.
Qaynarinfo-nun məlumatına görə, 1991-ci ildə Ağstafa rayonu, Poylu kəndində anadan olmuş Cavid (ad-şərti) iki azyaşlı qız uşağını dilənçiliklə məşğul olmasına məcbur etdiyinə görə İnzibati Xətalar Məcəlləsinin 523.2-ci maddəsi ilə təqsirli bilinib və 5 gün müddətinə inzibati qaydada həbs olunub.
Məhkəmədə ifadə verən Cavid bildirib ki, iki azyaşlı qız uşağı dilənçiliklə məşğul olurlar, bundan xəbəri var. 9 sentyabr saat 00:10 radələrində qızlarının diləndikləri Tiflis prospektindən götürməyə gedib və dilənməklə əldə etdikləri pulları da onlardan alıb. Bu zaman polis əməkdaşları onu saxlayaraq, bölməyə aparıb və barəsində protokol tərtib edilib.
Əhməd
Şərhlər