Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Referendum Konstitusiyada Moldovanın Aİ-yə üzvlüyünün dönməzliyini ifadə edəcək
Moldovada 2024-cü ilin payızında keçirilməsi planlaşdırılan referendum ölkənin Avropa İttifaqına üzvlüyünün dönməzliyini Konstitusiyada qeyd etməyə imkan verəcək.
Qaynarinfo "Moldova 1” telekanalına istinadən xəbər verir ki, bunu Moldova prezidenti Maya Sandu deyib.
"Referendumun təşkili ilə bağlı bir neçə ay əvvəl irəli sürdüyümüz təşəbbüs budur. Moldova Respublikası vətəndaşlarının qərar qəbul etdiyi respublika, konstitusiya referendumu və bu qərar Moldova Respublikasının Konstitusiyasında yazılacaq və o zaman biz əmin olacağıq”, - Sandu bildirib.
O, ölkənin Avropa İttifaqına daxil olması ilə bağlı referendumun prezident seçkiləri ilə eyni gündə keçirilməsini niyə təklif etdiyini də açıqlayıb.
"Referendum ölkənin gələcək uzun illər üçün taleyini müəyyən edəcək. Biz istəyirik ki, mümkün qədər çox adam seçkiyə gəlsin. Biz təcrübədən bilirik ki, ən yüksək seçici fəallığı prezident seçkilərində olur", - Moldova prezidenti vurğulayıb.
Bundan başqa, o əlavə edib ki, Rusiyanın payızda Moldovada keçiriləcək prezident seçkilərinə müdaxilə cəhdlərini istisna etmir.
"Biz başa düşürük ki, Kreml daxili işlərimizə, xüsusən də referendum seçkilərinə qarışmaqda və ya müdaxilə etməyə cəhd etməkdə davam edəcək. Və təbii ki, biz dövlət institutlarını gücləndirməyə çalışırıq... İnstitutlar ayıq-sayıq olmağa davam etməli və əvvəlki seçkilərdən dərs almalıdırlar”, - o qeyd edib.
Xatırladaq ki, 2023-cü il dekabrın 24-də Maya Sandu parlamentə Moldovada Avropa İttifaqına daxil olmaq üçün referendumun təşkilini təklif edib. Onun sözlərinə görə, bu, prezident seçkilərinin keçirilməli olduğu 2024-cü ilin payızında keçirilə bilər. Parlament dekabrın 28-də keçirilən iclasında respublika referendumunun parlament, prezident və yerli seçkilərlə eyni gündə keçirilməsinə icazə verib.
Qeyd edək ki, dekabrın 14-də Brüsseldə keçirilən sammitdə Aİ Şurası Ukrayna və Moldovanın Aİ-yə daxil olması ilə bağlı danışıqların başlanmasını dəstəkləyib, həmçinin Gürcüstana ittifaqa namizəd statusu verib.
Nizami Bağırov
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər