Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Rusiya bir partlayışla minlərlə peyki məhv edə bilər - ABŞ nəyə hazırlaşır?
Kosmosda Rusiya tərəfindən nüvə silahının yerləşdirilməsi ehtimalı ilə bağlı artan narahatlıqlar ABŞ və onun müttəfiqlərini peyk müdafiə sistemlərinin hazırlanmasını sürətləndirməyə və orbitdə mümkün münaqişəyə hazırlaşmağa vadar edir.
Qaynarinfo xəbər verir ki, bu barədə "Forbes” yazır.
Kosmik təhlükəsizlik üzrə ekspert, "Secure World Foundation”dan Viktoriya Samson bildirib ki, Rusiya tərəfindən anti-peyk sistemlərinin modernləşdirilməsinə dair getdikcə daha çox əlamət müşahidə olunur.
Kosmosda nüvə təhlükəsi
Xüsusi narahatlıq doğuran məsələ Rusiyanın "Nudol” sistemidir. Bu sistemin nüvə başlığı ilə istifadəyə uyğunlaşdırıla biləcəyi qeyd olunur. Aşağı Yer orbitində baş verə biləcək nüvə partlayışı güclü elektromaqnit impuls yaradaraq böyük sayda peyki sıradan çıxara bilər.
Mütəxəssislərin qiymətləndirməsinə görə, belə bir partlayış təkcə orbit infrastrukturunu sıradan çıxarmaqla kifayətlənməyib, həm də kosmik stansiya ekipajları üçün ölümcül risk yarada bilər.
Qərbin reaksiyası
Ağ Ev bu cür inkişafları yüksək səviyyəli təhlükə kimi qiymətləndirdikdən sonra ABŞ Müdafiə Nazirliyi cavab tədbirlərini gücləndirib. Məsələn, mövcud raketdən müdafiə sistemlərinin, o cümlədən "Aegis” kompleksinin düşmən peyklərinə qarşı adaptasiya edilməsi müzakirə olunur.
Bundan əlavə, ABŞ "Qızıl günbəz” adlı genişmiqyaslı raketdən müdafiə layihəsi üzərində işləyir. Bu sistemin orbitdə yerləşdiriləcək ələkeçirici vasitələr vasitəsilə raketləri hələ uçuş mərhələsində zərərsizləşdirməsi nəzərdə tutulur.
Ekspertlərin hesablamalarına görə, belə bir sistemin yaradılması yüz milyardlarla, hətta iki onillik ərzində trilyonlarla dollara başa gələ bilər.
Analitiklər xəbərdarlıq edirlər ki, kosmik müdafiə sistemlərinin yerləşdirilməsi yeni silahlanma yarışını gücləndirə və orbit mühitini daha da həssas hala gətirə bilər.
Peyklər və rabitə risk altında
Potensial hədəflər arasında peyk şəbəkələri, o cümlədən SpaceX şirkətinin "Starlink” sistemi də göstərilir. Bu sistem Ukrayna daxil olmaqla bir sıra regionlarda rabitəni təmin edir.
Kosmosda baş verəcək tək nüvə partlayışı belə minlərlə peyki sıradan çıxara və qlobal rabitəni iflic edə bilər.
Bu fonda Vaşinqtonda daha sərt cavab ssenariləri də istisna edilmir — raket buraxılışlarının qarşısının alınmasından tutmuş, infrastruktur obyektlərinə preventiv zərbələrə qədər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər