Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Tezliklə Pentaqonun adı tarixə qovuşacaq: Tramp sərəncam hazırlayır
ABŞ prezidenti Donald Tramp cümə günü Pentaqonun (Müdafiə Nazirliyi) adının Müharibə Nazirliyi ilə əvəzlənməsinə dair sərəncam imzalamağa hazırlaşır.
Qaynarinfo xəbər verir ki, bu barədə "The New York Times”a Ağ Evdən bildirilib.
Bu addım prezidentin silahlı qüvvələrin missiyasını yenidən qurmaq vədinin bir hissəsi hesab olunur. Qeyd edək ki, "Müharibə Nazirliyi” adı ABŞ-da 150 ildən çox müddətdə - II Dünya müharibəsinin sonuna qədər işlədilib.
Gözlənilən bu qərar Trampın ordunu öz məqsədlərinə uyğun şəkildə yenidən qurmaq istəyini nümayiş etdirir – ona daha aqressiv imic qazandırmaq və döyüş qabiliyyətini ön plana çıxarmaqla.
Tramp ordunun gücünü göstərməyə çalışır, əksinə isə "wokeness” adlanan – onun və müdafiə naziri Pit Hegsetin fikrincə, Bayden dövründə döyüş ruhunun zəifləməsinə səbəb olan həddindən artıq siyasi korrektlik ideologiyasına qarşı çıxır. O, ABŞ-ın dünya müharibələrində oynadığı əsas rolu tez-tez xatırladır və bu nailiyyətlərə yetərincə diqqət verilmədiyini deyir.
Bəs Tramp niyə "Müharibə Nazirliyi” adını qaytarmaq istəyir?
Bu fikir ilk dəfə avqustda Oval kabinetdə səsləndirilmişdi. Tramp o vaxt demişdi ki, bu ad daha yaxşı səslənir. Onun sözlərinə görə, ad dəyişikliyi ordunun həmin ad altında qazandığı qələbələri yada salacaq – xüsusilə I və II dünya müharibələrində. "Bizim inanılmaz qələbələr tariximiz var idi, o zaman bu Müharibə Nazirliyi adlanırdı”, deyə amerikalı lider vurğulayıb.
O həmçinin bildirib ki, Müdafiə Nazirliyi adı "çox müdafiəçi” səslənir, halbuki ABŞ təkcə müdafiə yox, həm də hücum etmək istəyir.
Respublikaçı senator Rik Skot Trampın qızğın tərəfdarı olaraq, bu dəyişikliyin Amerikanın "yalnız reaksiyaya yox, müharibələri qazanmaq qabiliyyətinə malik olduğunu” göstərəcəyini deyib və ABŞ ordusunu "planetin ən ölümcül döyüş gücü” adlandırıb. Demokrat senator Endi Kim isə təşəbbüsə qarşı çıxaraq bildirib: "Amerikalılar müharibələrin qarşısını almaq istəyirlər, onları nümayiş etdirmək yox”.
Xatırladaq ki, bir qədər əvvəl Tramp Avropanı Rusiya nefti almamağa və Çinə təzyiqi artırmağa çağırıb. Məlumata görə, Putin Avropa İttifaqına yanacaq satışından il ərzində milyarddan çox gəlir əldə edib.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər