Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Tramp uşaqlarla Santa Klausu müzakirə etdi, sonra Ukrayna, Rusiya və Çinə qayıtdı
ABŞ Prezidenti Donald Tramp yenidən Ukrayna, Rusiya və Çinlə bağlı məsələlər üzərində aktiv işə qayıtdığını bəyan edib. Onun sözlərinə görə, bu cür məsələlərə prioritet diqqət ayrılmalıdır.
Qaynarinfo xəbər verir ki, o, bu barədə Ağ Evdə keçirilən Milad tədbiri zamanı bildirib.
Məlumdur ki, dekabrın 24-ü axşam saatlarında Amerika mediası prezidentin günlük qrafikini dərc edib. Tramp səhər vaxtını qolf oynayaraq keçirib, axşam isə uşaqlarla telefonla danışaraq Santa Klausun dünya üzrə səyahətini müzakirə edib.
Söhbətlərin biri zamanı Amerika lideri vurğulayıb ki, uşaqlarla daha uzun danışmaq istərdi, lakin dövlət işləri onu daha ciddi mövzulara diqqət yetirməyə məcbur edir.
"Bütün günü belə danışmaq olardı. Lakin biz Çin, Rusiya və Ukrayna məsələlərinə qayıtmalıyıq. Digər işlərə qayıtmalıyıq, halbuki bununla (uşaqlarla danışmaqla) bütün günü məşğul olmaq mümkündür", deyə ABŞ Prezidenti qeyd edib.
Bundan əvvəl ABŞ Prezidenti Ukraynadakı müharibə ilə bağlı sülh planının müzakirəsini qiymətləndirmişdi. Onun sözlərinə görə, Ukrayna və Rusiya arasında danışıqlar davam edir və "normal" gedir.
"Biz danışırıq, danışıqlar yaxşı gedir, lakin bilirsiniz ki, mən səkkiz müharibəni bitirmişəm. Hesab edirəm ki, Rusiya və Ukrayna ilə bağlı məsələ hələ həllini tapmayıb", – deyə Tramp qeyd edib.
Eyni zamanda, senator-respublikaçı Lindsi Qrem Trampı Rusiyanın neft daşıyan gəmilərini ələ keçirməyə və Ukraynaya "Tomahawk" raketləri verməyə çağırıb. O həmçinin bildirib ki, Ağ Ev rəhbərinin Rusiya neftinin alınmasına tariflərin tətbiqi və ukraynalı uşaqların qaçırılmasına görə Rusiyanın terrorizmin dövlət sponsoru kimi tanınması haqqında qanun layihəsini dəstəkləyəcəyini gözləyir.
"Əgər o (Putin – red.) bu dəfə də "yox” desə, ümid edirəm ki, Prezident Tramp bunu edər: 85 həmmüəllifi olan qanun layihəmi imzalayar və ucuz Rusiya nefti alan Çin kimi ölkələrə qarşı tariflər tətbiq edər", deyə Qrem vurğulayıb.
Alpər
Oxşar xəbərlər
Sadettin Saran yenidən saxlanılıb
Dünya
24.12.2025
FHN-in mayoru vəfat etdi
Foto
24.12.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər