Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Venesuelaya qarşı neft blokadası nəticə verir - Dağıdıcı fəsadlar açıqlandı
ABŞ Venesueladan neft ixracını bloklamaqda davam edir. Vaşinqtonun addımları artıq bu Cənubi Amerika ölkəsindən "qara qızıl” ticarətini ciddi şəkildə pozub.
Qaynarinfo-nun məlumatına görə, "Bloomberg” mənbələrinə istinadən yazır ki, sanksiyalara məruz qalan və ABŞ hərbçiləri tərəfindən təqib edilən neft tankeri marşrutunu dəyişərək Venesuela əvəzinə Atlantik okeanına istiqamət alıb.
Bildirilir ki, ABŞ Sahil Mühafizəsi "Bella 1” gəmisini Barbados yaxınlığında aşkar edib və təhlükəsiz şəkildə göyərtəyə çıxmaq üçün daha sakit sulara keçməsi barədə göstəriş verib. Lakin tanker bunun əvəzinə Atlantik okeanı istiqamətində hərəkət edib. ABŞ hakimiyyəti gəminin geri qayıtmayacağını gözləyir.
Mənbənin sözlərinə görə, Venesuela sularını tərk edərkən tanker neft daşımırdı. Bununla yanaşı, ABŞ rəsmisi Sahil Mühafizəsinin təqibi dayandırmadığını və gəmi barəsində həbs orderinin verildiyini bildirib.
Tankerin ciddi nəzarət olunan Venesuela sularını tərk etməsi ABŞ blokadasının Cənubi Amerika ölkəsindən neft ixracını necə pozduğunu açıq şəkildə göstərir. Bu neftin böyük hissəsi Çinə tədarük olunurdu. Tramp administrasiyası bu yolla Venesuela prezidenti Nikolas Maduronun hökumətinə təzyiq göstərməyə çalışır.
Neftinin böyük hissəsini ixrac edə bilməyən Venesuela sürətlə anbarları və istifadəsiz qalan tankerləri doldurur. Bu isə yaxın vaxtlarda hasilatın dayandırılması ehtimalını artırır. Maduro hələlik təzyiqlərə dözür, lakin blokada onsuz da çətin vəziyyətdə olan iqtisadiyyata valyuta axınını məhdudlaşdırır.
Ötən həftə ABŞ prezidenti Donald Tramp Venesuelaya qarşı neft blokadası elan edərək sanksiyaya məruz qalan bütün neft tankerləri üçün dənizi bağladığını açıqlayıb. Tramp bildirib ki, Venesuela prezidenti Nikolas Maduronun rejimi "oğurlanmış” neft yataqlarından əldə olunan nefti şəxsi maraqları üçün, eləcə də terrorçuluğun, narkotik alverinin, insan alverinin, qətllərin və oğurluqların maliyyələşdirilməsi üçün istifadə edir.
Eyni zamanda "Bloomberg” yazıb ki, Venesuela neftin daşınması üçün fəal şəkildə "kölgə donanması”ndan istifadə edib və bu donanmaya "zombi” tankerlər də daxildir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər