Siyasət 14:15 04.03.2023

“Belə çıxa bilərmi ki, biz aldadıblar və ya biz özümüzü aldatmışıq?” - Paşinyan

Nikol Paşinyan Ermənistanın təhlükəsizliyinin tam təmin olunduğuna əmin deyil.

Qaynarinfo erməni mediasına istinadla xəbər verir ki, bu barədə Nikol Paşinyan Almaniyanın erməni icmasının nümayəndələri ilə görüşdə bəyan edib.

"Mən deyə bilmərəm ki, biz bu gün, xüsusən də geosiyasi təlatümlərin baş verdiyi indiki şəraitdə ölkəmizin təhlükəsizliyinə artıq təminat altına almışıq. Belə reallıqları nəzərə alsaq, çox təhlükəli mühitdə olduğumuzu bildirmək lazımdır", - Paşinyan deyib.

Ermənistan hökumətinin mətbuat xidmətinin məlumatına görə, baş nazir, eyni zamanda, hakimiyyətin bu mühiti idarə etmək üçün nə etmək lazım olduğuna dair baxışı olduğunu vurğulayıb. Bu kontekstdə Paşinyan sülh gündəminin vacibliyini vurğulayıb.

Eyni zamanda hökumət başçısı etiraf edib ki, risklər çoxdur və Ermənistan tərəfi sülhün təkcə ondan asılı olmadığının fərqindədir.

"Ümumiyyətlə, deməliyəm ki, indi bizim üçün çox çətin və təhlükəli dövrdür. Mövcud çağırışları aradan qaldırmaq üçün maksimum ciddilik, çeviklik lazımdır. Bizim dərin iqtisadi problemlərimiz, daxili təhlükəsizlik və demokratiya baxımından heç bir problemimiz yoxdur”, - o bildirib.

Baş nazirin sözlərinə görə, beynəlxalq ictimaiyyət müəyyən dərəcədə Ermənistana və bütövlükdə regiona diqqət yetirir və bu diqqətdən uzunmüddətli həll yollarına nail olmaq, regionda sülhün bərqərar olması üçün istifadə etməyi bacarmaq lazımdır.

"Ərazi və insan itkilərinin davam etdiyini nəzərə alaraq, məsuliyyəti öz üzərinə götürməyin, ola bilsin ki, istefaya getməyin vaxtı çatıbmı” sualına cavab olaraq baş nazir bildirib ki, itkilərin səbəbləri barədə danışmaq və Ermənistanda vəziyyətin necə olduğunu, ordunun vəziyyətini təhlil etmək lazımdır.

"Təhlükəsizlik sistemlərindən danışırıq, amma nədənsə təhlükəsizlik sistemlərimizin bizə xəyanət etdiyini demirik. Belə çıxır ki, biz əslində sabun köpüyünə çevrilən təhlükəsizlik faktorlarına etibar etmişik? Belə çıxa bilərmi ki, biz aldadıblar və ya biz özümüzü aldatmışıq?” - Paşinyan bildirib.

Xatırladaq ki, Ermənistanın baş naziri Nikol Paşinyan martın 2-3-də Berlində səfərdə olub. Ermənistan hökumətinin başçısı Almaniya kansleri Olaf Şolz və prezident Frank-Valter Ştaynmayerlə görüşlər keçirib.

Alpər