Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Qohumunun evindən 19 min 590 manatlıq qızıl oğurladı
Bakı şəhərinin Sabunçu rayonunun Maştağa qəsəbəsində yerləşən fərdi yaşayış evindən külli miqdarda qızıl-zinət əşyaları oğurlayan şəxs məhkəmənin hökmü ilə azadlıqdan məhrum edilib.
Qaynarinfo xəbər verir ki, məhkəmə materiallarına əsasən, təqsirləndirilən şəxs 2026-cı ilin iyun ayında axşam saatlarında Maştağa qəsəbəsində yerləşən fərdi yaşayış evinə hamam otağının kiçik nəfəsliyinin pəncərəsini sındıraraq qanunsuz daxil olub. O, evdən ümumi dəyəri 19 min 590 manat olan müxtəlif qızıl-zinət əşyalarını gizli şəkildə talayaraq hadisə yerindən uzaqlaşıb.
Oğurlanan əşyalar arasında müxtəlif çəkidə boyunbağılar, bilərziklər və bir neçə qızıl üzük olub. Nəticədə zərərçəkmişə xeyli miqdarda maddi ziyan dəyib.
Məhkəmə iclasında təqsirləndirilən şəxs özünü təqsirli bildiyini deyərək oğurladığı qızılları Bakının Əcəmi və Nərimanov ərazilərində yerləşən üç müxtəlif yerdə ümumilikdə 7 min 300 manata satdığını etiraf edib. O, saxlanıldıqdan sonra zərərçəkmişə 2 min 500 manat ödənildiyini, sonradan əlavə 11 min manatın da ödənilməsinin təklif olunduğunu, lakin zərərçəkmişin bunu qəbul etmədiyini bildirib.
Zərərçəkmiş isə ifadəsində hadisə zamanı ailəsi ilə birlikdə rayonda olduğunu, evə qayıtdıqda hamam otağının nəfəsliyinin sındırıldığını, otaqların dağıdıldığını və qızıl-zinət əşyalarının oğurlandığını gördüyünü deyib. O, təqsirləndirilən şəxsin yaxın qohumu olduğunu vurğulayaraq, buna baxmayaraq onu bağışlamadığını və cəzalandırılmasını istədiyini bildirib.
Məhkəmə təqsirləndirilən şəxsi Cinayət Məcəlləsinin 177.2.3-cü (yaşayış sahəsinə qanunsuz daxil olmaqla oğurluq) və 177.2.4-cü (xeyli miqdarda ziyan vurmaqla oğurluq) maddələri ilə təqsirli bilərək ona 2 il müddətinə azadlıqdan məhrumetmə cəzası təyin edib.
Seyid
Oxşar xəbərlər
Sabah 39 dərəcə isti olacaq
Ölkə
13.07.2026
"TikTok" Azərbaycanda 600 min videonu silib
Ölkə
13.07.2026
İcra başçısı I müavinini işdən çıxardı
Ölkə
13.07.2026
Sabah deputatlar tətilə çıxacaq
Ölkə
13.07.2026
Tələbələrin yerdəyişməsi başladı
Ölkə
13.07.2026
Eks-idarə rəisi ilk iclasda həbs edildi
Ölkə
13.07.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər