Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Uzaqdan işləyən qadınlar daha çox uşaq sahibi olmağa qərar verir - ARAŞDIRMA
Uzaqdan işləyən və münasibətdə olan hər üçüncü qadın, yalnız ofisdə işləyən cütlüklərlə müqayisədə bir uşaq daha çox dünyaya gətirir. Bu nəticəyə beynəlxalq araşdırmanın müəllifləri gəliblər.
Qaynarinfo xəbər verir ki, bu barədə "BILD" nəşri yazır.
Məlum olub ki, hər iki tərəfdaş həftədə ən azı bir gün evdən işləyirsə, onların uşaqlarının orta sayı 14% artır. Alimlər hesab edir ki, bunun əsas səbəblərindən biri uzaqdan iş şəraitində iş və ailə həyatını birləşdirməyin daha asan olmasıdır.
"Uzaqdan işləməyə daha geniş çıxış uşaqların sayını artırır. Çox güman ki, bu, iş və ailəni uzlaşdırmaq üçün tələb olunan vaxt və təşkilati xərclərin azalması ilə bağlıdır", deyə tədqiqat müəlliflərindən biri, iqtisadçı Mattias Dolls bildirib.
Bununla belə, tədqiqatçılar nəticələrdə ehtiyatlı mövqe saxlayırlar və qeyd edirlər ki, məhz uzaqdan işin uşaqların sayının artmasına birbaşa səbəb olub-olmadığı tam aydın deyil. Ehtimal olunur ki, ailə qurmağı planlaşdıran insanlar daha çevik iş modellərini şüurlu şəkildə seçirlər.
Lakin Dolls uzaqdan işi real stimullardan biri hesab edir. Onun sözlərinə görə, "uzaqdan iş sayəsində artan çeviklik insanların istədikləri ailə ölçüsünə nail olmasına kömək edə bilər. Təkcə uzaqdan iş doğum səviyyəsinin azalmasını dayandırmayacaq, lakin bu tendensiyanı yumşaldan amillərdən biri ola bilər".
"BILD" yazır ki, tədqiqat Münhendə yerləşən "ifo" İqtisadi Araşdırmalar İnstitutunun, həmçinin "Stanford", "Princeton", "King’s College London" və Meksika Texnologiya İnstitutunun mütəxəssislərinin iştirakı ilə həyata keçirilib.
Araşdırma çərçivəsində 38 ölkədə ümumilikdə 19 277 nəfər sorğuda iştirak edib. Onlardan 11 314 nəfəri 20–45 yaş aralığında olub. Almaniyada 1000-dən çox respondent, ABŞ-da isə təxminən 90 min nəfər sorğuya cəlb edilib. İştirakçılara son illərdə uşaq sahibi olub-olmadıqları, hazırkı hamiləlik vəziyyəti və gələcəkdə uşaq sahibi olmaq istəkləri ilə bağlı suallar verilib.
Aydın
Oxşar xəbərlər
.jpg)
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər