Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
15 illik aliment davası bitdi: 15 milyon dollar əvəzinə 500 min ödəyəcək
Bir vaxtlar Hollivudun və televiziya dünyasının ən yüksək qonorar alan aktyorlarından biri olan Çarli Şin keçmiş həyat yoldaşı Bruk Muller ilə 15 ildən artıq davam edən aliment mübahisəsinə son qoyub.
Qaynarinfo xəbər verir ki, tərəflər məhkəmə prosesini uzatmamaq üçün razılığa gəlib. Razılaşmaya əsasən, 60 yaşlı aktyor keçmiş həyat yoldaşına yığılıb qalmış aliment öhdəlikləri ilə bağlı 500 min dollar ödəyəcək. Ödəniş iki hissə ilə həyata keçiriləcək. Bundan əlavə, Şin Mullerin vəkil xərcləri üçün də 60 min dollar ödəməlidir.
Bruk Muller iddia edirdi ki, aktyorun ona ümumilikdə 15 milyon dollara yaxın borcu var. Onun sözlərinə görə, Çarli Şin 2010-cu ilin aprelindən etibarən aylıq 55 min dollar aliment ödəməli olsa da, bu öhdəliyi yerinə yetirməyib. İddiada təxminən 9 milyon dollar ödənilməmiş aliment, 6 milyon dollardan çox faiz borcu və əlavə hüquqi xərclər göstərilmişdi.
Məhkəmə sənədlərində qeyd olunur ki, əldə olunan razılaşma 1 mart 2011-ci ildən 1 iyul 2026-cı ilədək davam edən aliment mübahisəsini tam şəkildə bağlayır. Bundan sonra hər iki valideyn övladlarının təminatına birgə məsuliyyət daşıyacaq.
Çarli Şin və Bruk Muller 2008-ci ildə ailə qurub, 2010-cu ildə ayrılıb, boşanmaları isə 2011-ci ildə rəsmiləşib. Cütlüyün hazırda 17 yaşlı Bob və Maks adlı əkiz oğulları var. Rəsmi sənədlərə əsasən, uşaqlar əsasən ataları ilə yaşasalar da, hüquqi qəyyumluq hər iki valideyn arasında bölüşdürülür.
Çarli Şin bir vaxtlar "Two and a Half Men" serialındakı roluna görə hər bölüm üçün 1,8 milyon dollar qonorar alaraq televiziya tarixinin ən yüksək ödəniş alan aktyoru olmuşdu. Lakin alkoqol və narkotik asılılığı, eləcə də qalmaqallı şəxsi həyatı onun həm karyerasına, həm də ailə münasibətlərinə ciddi zərbə vurmuşdu.
Son illərdə həyat tərzini dəyişdiyini bildirən aktyor təxminən 10 ildir alkoqol və narkotikdən uzaq olduğunu açıqlayıb. Keçmiş həyat yoldaşı Bruk Muller də asılılıq problemləri ilə mübarizə apararaq reabilitasiya keçib. Məlumata görə, keçmiş cütlük hazırda övladlarının rifahı naminə normal münasibətlərini qoruyub saxlayır.
Aydın
Oxşar xəbərlər
Nazir xanımı ilə festivalı izlədi (FOTO)
30.07.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər