Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Alimlər ilk dəfə körpələrin orqanizmində mikrobların faydasını sübut etdi
Yeni doğulan körpələrin bədənində formalaşan bəzi mikroorqanizmlər gələcəkdə onları təhlükəli ağciyər infeksiyalarından qoruya bilər.
Qaynarinfo BBC-yə istinadən xəbər verir ki, bu qənaətə Londondakı Universitet Kolleci və Senger İnstitutunun alimləri gəliblər.
Qeyd olunur ki, bu nəticə yalnız təbii doğuşla dünyaya gələn körpələrə aiddir. Tədqiqatçılar yaxın gələcəkdə qeysəriyyə əməliyyatı ilə doğulan uşaqlar üçün də uyğun terapevtik üsullar hazırlamağı planlaşdırırlar.
Bu elmi araşdırma ilk dəfə sübut edir ki, faydalı bakteriyalar körpələrdə ağciyər infeksiyaları səbəbilə xəstəxanaya yerləşdirmə riskini iki dəfə azaldır. Alimlər bu kəşfi heyrətamiz adlandırır və onun sayəsində faydalı mikrobların artırılmasına yönəlmiş müalicə üsullarının inkişaf etdiriləcəyini bildirirlər.
Erkən mikroblarla təmas immunitetin inkişafında həlledici rol oynayır
Tədqiqatçılar insan orqanizminin həyatın ilk günlərində bakteriyalar, göbələklər və digər mikroorqanizmlərlə kolonizasiya prosesini araşdırıblar. Onlar həyatlarının ilk həftəsində 1082 yenidoğulmuş körpədən nəcis nümunələri toplayıblar və bu nümunələrdəki bütün DNT-ni təhlil edərək hansı mikrobların olduğunu və onların uşaqlarda yayılma səviyyəsini müəyyənləşdiriblər. Daha sonra alimlər həmin uşaqları iki il ərzində müşahidə edərək xəstəlik tarixçələrini xəstəxana məlumatları vasitəsilə izləyiblər.
Bifidobacterium longum bakteriyası qoruyucu təsirə malikdir
Tədqiqat zamanı məlum olub ki, Bifidobacterium longum adlı bakteriyaya sahib olan körpələrdə ağciyər infeksiyalarına görə xəstəxanaya düşmə riski əhəmiyyətli dərəcədə aşağıdır. Belə ki, bu bakteriyaya sahib uşaqların yalnız 4%-i iki il ərzində ağciyər infeksiyası ilə xəstəxanaya yerləşdirilib. Digər bakteriyalarla formalaşmış ilkin mikrobiomaya sahib uşaqlarda bu göstərici təxminən üç dəfə yüksək olub.
Bu, mikrobiomun formalaşmasının infeksiya riski ilə birbaşa əlaqəsini göstərən ilk elmi sübutdur.
Londondakı Universitet Kollecindən professor Naycel Fild bu nəticələri belə şərh edib: "Bu, həqiqətən heyrətamizdir. Belə bir sübut əldə edə bilmək inanılmazdır".
Professor Fildin sözlərinə görə, bu təsiri ya bakteriyaların özləri, ya da onların qida həzmi zamanı ifraz etdiyi birləşmələr yaradır. Bu maddələr immun sistemlə qarşılıqlı əlaqəyə girərək onun necə inkişaf etdiyini və orqanizmin "dost" və "düşmənləri" tanıma qabiliyyətini formalaşdırır.
Aydın
Oxşar xəbərlər
Şokoladlı çay təzyiqə necə təsir edir?
Sağlamlıq
06.06.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər