Arxiyepiskop Mikael Acapaxyan həbs olundu - Ermənistanda son durum

Qaynarinfo bu barədə "Sputnik Ermənistan"a istinadən xəbər verir.

Vəkil Ara Zohrabyanın jurnalistlərə verdiyi məlumata görə, Mikael Ajapaxyan barəsində iki aylıq həbs qətimkan tədbiri seçilib. Lakin müdafiə tərəfi məhkəmənin qərarını anunsuz adlandırıb və apellyasiya şikayəti vermək niyyətindədir. İlkin məlumata görə, Şirak yeparxiyasının rəhbəri Nubaraşen cəzaçəkmə müəssisəsinə köçürüləcək.

İyunun 27-də səhər saatlarında Ermənistan Milli Təhlükəsizlik Xidmətinin əməkdaşları arxiyepiskop Mikael Acapaxyanı bütün ermənilərin katolikosunun Eçmiədzindəki iqamətgahında saxlamağa cəhd ediblər. Lakin din xadimləri və kilsə üzvləri təhlükəsizlik qüvvələrinə həbsi həyata keçirməyə imkan verməyərək müqavimət göstəriblər. Daha sonra arxiyepiskop özü iqamətgahın ərazisini tərk edərək İrəvana yollanıb və İstintaq Komitəsinin qarşısına çıxmağa hazır olduğunu bəyan edib.

Mikael Acapaxyan açıq şəkildə hökumətin devrilməsinə çağırışda ittiham olunur, lakin o, özü ittihamları uydurma adlandırıb.

Ermənistan hakimiyyəti ilə Erməni Apostol Kilsəsi arasında qarşıdurma baş nazir Nikol Paşinyanın sosial şəbəkələrdə kilsə haqqında sərt ifadələr, o cümlədən kobud ifadələr işlətdiyi paylaşımlarından sonra kəskinləşib. Daha sonra o, bütün ermənilərin katolikosunun seçilməsi prosedurunun dəyişdirilməsini təklif edərək, bu prosesdə dövlətin həlledici rol oynayacağını irəli sürdü. Kilsəyə açıq şəkildə dəstək verən iş adamı və xeyriyyəçi Samvel Karapetyanın həbsi erməni diasporunda kəskin reaksiyaya səbəb olub. Dünyadakı icmaların nümayəndələri hadisələri pisləyərək Kilsəyə və onun tərəfdarlarına siyasi təzyiqin qəbuledilməz olduğunu bəyan ediblər.

"Arxiyepiskop Mikael Acapaxyana qarşı məhkəmə prosesi sırf siyasi xarakter daşıyır". Bunu Ermənistanın keçmiş ombudsmanı Arman Tatoyan məhkəmə binası qarşısında jurnalistlərlə söhbətində deyib.

Onun sözlərinə görə, hüquq-mühafizə orqanlarının hərəkətlərinin birbaşa baş nazirin aparatından koordinasiya edildiyi göz qabağındadır: "Bu, adi gözlə aydındır. Cinayət təqibinin motivləri siyasidir".

Tatoyan onu da bildirib ki, Nikol Paşinyan onun məlumatına görə, İrəvan Dövlət Universitetində qapalı iclasda ruhanilər haqqında kompromatların toplanması barədə göstəriş verib. O qeyd edib ki, bunu siyasi repressiya və qanunsuzluqdan başqa bir şey adlandırmaq olmaz.

Tatoyanın fikrincə, Erməni Apostol Kilsəsinin ali ierarxlarının təqib edilməsi yalnız sosial gərginliyi artırır, daxili parçalanma və düşmənçiliyi gücləndirir ki, bu da xarici siyasət çağırışları fonunda xüsusilə təhlükəlidir. O vurğulayıb ki, hakimiyyət öz səlahiyyətlərindən istifadə edərək din xadimlərinə təzyiq göstərir: "Əgər cinayət işinin başlanması üçün əsas bir il əvvəl müsahibədə verilən ifadələr idisə, sual yaranır: niyə o zaman dərhal hüquqi cavab verilmədi? Bəs niyə istintaq məhz indi başladı - hakimiyyətin kilsəyə açıq hücumları fonunda?".

"Müxalifət öz səylərini birləşdirməli və təqib olunanların mövqeyindən çıxmalıdır, çünki hakimiyyət heç bir yerdə dayanmayacaq və ən çirkin əməllərə hazırdır". Bunu isə "Mənim şərəfim var" fraksiyasının katibi Tiqran Abramyan məhkəmə binası qarşısında jurnalistlərlə söhbətində deyib.

O, Ermənistan rəhbərliyinin bugünkü hadisələrlə məhdudlaşmayacağına əmindir və katolikosların iqamətgahına hücumu erməni xalqının həyatında dəhşətli hadisə adlandırıb: "Erməni xalqı son illərdə çox şey görüb və yaşadı, lakin ermənilərin mənəvi mərkəzinə hücumun bugünkü mənzərəsi cəmiyyətimizə, hətta baş verənlərin hamısını hələ dərk etməyənlərə güclü zərbə oldu".

Onun sözlərinə görə, bu, "düşmənlər üçün böyük hədiyyə" olub. Abrahamyan hesab edir ki, yalnız siyasi prosesin başlanması, yəni baş nazirin impiçmenti hakimiyyəti dayandıra bilər. O izah edib ki, bu gün siyasi, informasiya və təbliğat gündəmi baxımından rəhbərliyin müxalifətdən üstünlüyü var. Millət vəkilinin sözlərinə görə, bu alətlər dəsti müxalifətə qarşı istifadə olunur, cəmiyyətə yalandan rəvayətlər tətbiq edilir.

Deputat Ermənistanın baş naziri postuna namizəd, arxiyepiskop Mikael Acapaxyana münasibətdə bu gün müxalifət fraksiyalarının birləşməsini vacib sayır, baxmayaraq ki, o, özü bundan imtina edib. 

Onun fraksiya həmkarı Hayk Mamicanyan da hesab edir ki, Ermənistanda daxili siyasi vəziyyət sırf siyasi mübarizə xəttini çoxdan keçib. Burada məsələ vətəni daxili düşmənlərdən qorumaqdır: "Ermənistan tarixin ən təhlükəli səhifələrindən birini yaşayır. Bugünkü hökmdarlar Eçmiədzinin Ana taxtına basqın etmək əmri verirlər - bundan daha rəzil bir şey təsəvvür etmək çətindir".

Bundan əvvəl müxalifətdə olan "Hayastan” və "Mənim şərəfim var” fraksiyaları hazırkı hökumət başçısına etimadsızlıq səsverməsinin keçirilməsi təşəbbüsü çərçivəsində Erməni Apostol Kilsəsinin Şirak yeparxiyasına rəhbərlik edən arxiyepiskop Mikael Acapaxyanın namizədliyini dəstəkləməyə hazır olduqlarını bildiriblər. Eyni zamanda, Mikael Acapaxyan özü bundan imtina edib, adının siyasi kontekstdə çəkilməməsini xahiş edib və din xadimi kimi xidmətindən tam razı olduğunu bildirib.