Dünya 10:43 21.10.2023

Krımda Zelenskinin xanımına məxsus mənzil satışa çıxarıldı (DETALLAR)

Ukrayna prezidentinin həyat yoldaşı Yelena Zelenskayaya məxsus Yaltanın Livadiya kəndinin mərkəzindəki mənzil hazır vəziyyətdə hərraca çıxarılıb. 

Qaynarinfo xəbər verir ki, bu barədə TASS məlumat yayıb.

Yelena Zelenskayanın 119,5 kvadratmetr sahəsi olan mənzili 2023-cü ilin martında "milliləşdirilib". Mənzil beşinci mərtəbədə yerləşir, eyvanı Qara dənizə və Livadiya sarayına bitişik bağa baxır. Krım "Əmlak və Torpaq Münasibətləri Nazirliyi"nin mətbuat xidməti "mənzil respublikanın mülkiyyətinə verildikdən sonra" regional hakimiyyət orqanlarının bununla bağlı heç bir iş görmədiyini açıqlayıb.

TASS xəbər verir ki, Zelenskayanın mənzilində eyvana panoramik pəncərəsi olan qonaq otağı, vanna olan yataq otağı və yeməkxana ilə birləşdirilmiş mətbəx var. Eyni zamanda, otaqda mebel yoxdur, ancaq hamam var.

"RİA Novosti"nin məlumatına görə, Krımın cənub sahilində satışa çıxarılan mənzilə potensial alıcılar tərəfindən böyük tələbat var. Bunu "Krım parlamenti"nin rəhbəri Vladimir Konstantinov deyib.

Konstantinovun sözlərinə görə, hazırda açıq hərraclarda yaşayış binalarının, o cümlədən Zelenskilərin mənzilinin satışı ilə bağlı bildirişlər yerləşdirilir. O, qeyd edib ki, bu obyekt hərraca çıxarılanlar arasında ən populyarı olub.
 


Oktyabrın 11-də Krımın "Əmlak və Torpaq Münasibətləri Nazirliyi"nin mətbuat xidməti Zelenskilər ailəsinin Krımda "milliləşdirilmiş" mənzilinin satışa çıxarıldığını bildirib. "Nazirlik" yaşayış sahəsinin açıq hərrac yolu ilə satılacağına aydınlıq gətirilib. Lot "GIS Auctions” rəsmi portalında yerləşdirilib və hərracın təşkilatçısı "Krım Respublikasının Əmlakın İdarə Edilməsi Müdirliyi" olub. Hərrac elektron qaydada keçiriləcək.

Mənzilin alınması ilə bağlı müraciətlər oktyabrın 26-dək qəbul olunacaq. Bu halda hərrac iştirakçılarından ilkin qiymətin 50%-i məbləğində depozit qoyulması tələb olunacaq. Hərracın özü oktyabrın 30-da baş tutacaq.

2022-ci ildə "Krım Respublikası"nın "rəhbəri" Sergey Aksenov Ukrayna hökuməti ilə əlaqəli təşkilatların və şəxslərin əmlakının "milliləşdirilməsi" barədə göstəriş verib. 

Aydın