Dünya 17:23 16.05.2022

Mariupolla bağlı Ərdoğandan xahiş edildi, Rusiya "Azovstal"da humanitar dəhliz açdı

Mariupol qarnizonunun döyüşçülərinin yaxınları Türkiyə prezidenti Rəcəb Tayyib Ərdoğanı "Azovstal”ın müdafiəçilərinin xilas edilməsinə Çin lideri Si Czinpini cəlb etməyə çağırıb.

Qaynarinfo Pravda.com-a istinadla bildirir ki, bu haqda müğənni Ruslana Lıjiçko və müdafiəçilərin yaxınları Türkiyədə keçirdikləri mətbuat konfransında bildiriblər.

"Xahiş edirəm, ekstraksiya və evakuasiya işlərinin aparılması yollarını tapın. Orada insanlar dəhşətli vəziyyətdədir", - Ruslana deyib.

"Sonuncu xahişimizi edirik və inanırıq ki, Rəcəb Tayyib Ərdoğan tərəfindən təmsil olunan Türkiyə və Si Szinpin tərəfindən təmsil olunan Çin və Tanrı özü özü birləşərək Azovstalı və oradakı insanları xilas etməyə kömək edəcəklər. Onlar artıq dünən xilas edilməliydilər. Cənab Rəcəb Tayyib Ərdoğan, Si Szinpinə müraciət edin və müdafiəçiləri birlikdə xilas eləyin”.

Mariupol müdafiəçilərinin yaxınları türk jurnalistlərə bildiriblər ki, ruslar hər gün "Azovstal”ı atəşə tutur və zavoda 500 kq ağırlığında "anti-bunker” adlanan bombalar atırlar.

Xatıaladaq ki, buna qədər - mayın 14-də "Azovstal”ın müdafiəçilərinin qohumları Çini Ukrayna hərbçilərinin Mariupoldan çıxarılmasına kömək etməyə çağırıblar.

Türkiyə prezidentinin sözçüsü və xarici siyasət üzrə baş müşaviri İbrahim Kalın bildirib ki, Türkiyə Mariupoldakı polad zavoduna sığınan yaralı Ukrayna əsgərlərinin dənizdən çıxarılmasını təklif edir.

Mayın 15-də "Azovstal” müdafiəçilərinin dördünün həyat yoldaşı onlayn konfrans keçirərək dünya ictimaiyyətini təkcə ağır yaralıları deyil, bütün qarnizonu çıxarmaq üçün səy göstərməyə çağırıblar. Onların sözlərinə görə, metallurgiya zavodunun bunkerində, demək olar ki, yemək, su və dərman qalmayıb.
 
Artıq Rusiya Mariupol şəhərinin mühasirəyə aldığı "Azovstal” kombinatı ərazisində sükut rejimi elan edib.

Bu barədə Rusiya Müdafiə Nazirliyi məlumat yayıb. Ərazidə yaralı Ukrayna hərbçiləri üçün humanitar dəhlizin açıldığı vurğulanıb.

Alpər