Rusiya Su-27-si Qara dənizdə ABŞ PUA-sını belə məhv edib: görüntü üzə çıxdı (VİDEO)
ABŞ-ın Avropa Komandanlığı Rusiyanın Su-27 qırıcılarının Qara dəniz üzərində MQ-9 Reaper pilotsuz uçuş aparatına hücumunun məxfi videosunu yayımlayıb.
Bu barədə Qaynarinfo ABŞ-ın Avropa Komandanlığının YouTube kanalına istinadən xəbər verir.
Video dronun altındakı kamera çəkib. Burada Rusiya qırıcılarının yanacaq atdığı və daha sonra ABŞ PUA-sına hücumu əks olunub.
Rusiyanın Su-27 hücumlarından sonra pilotsuz uçuş aparatı ilə əlaqə qısa müddətə kəsilib. ABŞ-ın Avropa Komandanlığı pilotsuz uçuş aparatı ilə bir dəqiqəlik əlaqənin kəsildiyini və yayımlanan videonun redaktə edildiyini təsdiqləyib.
Yayım bərpa olunanda məlum oldu ki, Su-27 ilə toqquşmadan sonra MQ-9 Reaper-in vintlərindən biri zədələnib.
Şərhlər