Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Sevgi və münasibətləri qoruyan üç incə detal: Psixoloq "sirri" açıqladı
Görünməyəcək qədər sadə və gündəlik davranışlar zamanla münasibətlərin emosional ab-havasını dəyişir və partnyorlar arasında sağlam gözləntilər yaradır.
Qaynarinfo xəbər verir ki, amerikalı psixoloq Mark Trevers "Forbes" üçün yazdığı məqaləsində münasibətləri möhkəmləndirən belə üç "mikro-davranış”ı izah edir:
"Bu anlar qəzet manşetlərinə çıxmaya bilər, amma məhz onlar sağlam münasibətlərin təməlini təşkil edir və hər iki tərəfə inkişaf fürsəti verir".
1. Təxmin etmə, soruş
Bir münasibət uzun müddət davam etdikcə, insanlar bir-birini "tam tanıdıqlarını” düşünür. Bu yaxınlıq bəzən rahatlıq gətirsə də, çox zaman avtomatik təxminlərə səbəb olur. Partnyorun davranışlarını özlüyündə izah etməyə başlayırıq. Lakin təxminlər dialoqu bağlayır və qarşı tərəfin özünü ifadə etməsinə mane olur.
2017-ci ildə "Social and Personality Psychology Compass" jurnalında dərc edilmiş araşdırmaya görə, insanların "anlaşıldıqlarını hiss etməsi” hər zaman həqiqəti əks etdirmir. Yəni bəzən bir şəxs anlaşıldığını düşünmür, halbuki qarşı tərəf onu başa düşüb və əksinə. Bu fərq yalnız dediklərimizdən deyil, həm də emosional keçmişimiz, münasibətin konteksti və təhlükəsizlik hissindən qaynaqlanır.
2. Reaksiya vermədən əvvəl pauza et
Çox vaxt reaksiyalarımız impulsiv olur: düşünmədən danışır, müdafiəyə keçirik və ya özümüzü geri çəkirik. Bu anda qısa bir pauza bizə daha şüurlu seçim etməyə imkan verir. Siz hələ də hiss edirsiniz, amma necə cavab verəcəyinizə artıq özünüz qərar verirsiniz.
2018-ci ildə mindful yanaşmalarla bağlı aparılan bir tədqiqat göstərib ki, şüurlu pauza stresin idarə olunmasında mühüm rol oynayır. Bu, həmçinin:
* emosiyaların böyüməsinin qarşısını alır;
* empatiya qurmağa şərait yaradır;
* daha yetkin qərarlar qəbul etməyə kömək edir.
3. Partnyorunuzun necə inkişaf etdiyini fərq edin
Biz çox zaman yalnız "böyük uğurları” təqdir edirik. Amma əsl inkişaf balaca detallarda özünü göstərir. Yalnız nəticəyə deyil, səylərə də dəyər verəndə, münasibətlərdə psixoloji təhlükəsizlik yaranır. Partnyor ideal olmaq məcburiyyətində deyil – əsas odur ki, çalışır.
Tədqiqatlar göstərir ki, insanlar uğurdan çox səyin tanındığını gördükdə, bu davranışları davam etdirməyə daha meyilli olurlar.
Aydın
Oxşar xəbərlər
Rusiyada azərbaycanlı biznesmen saxlanıldı
Dünya
23.07.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər