Axşam yuxu öncəsi rituallar yuxunun keyfiyyətini əhəmiyyətli dərəcədə yaxşılaşdıra bilər və bu prosesə sakitləşdirici içkilərlə başlamaq mümkündür. Çobanyastığı çayı geniş şəkildə tanınsa da, digər içkilər və çaylar da günün gərginliyindən sonra rahatlanmağa və yuxunu yaxşılaşdırmağa kömək edə bilər.

Qaynarinfo xəbər verir ki, "Martha Stewart” nəşrinin dietoloqlardan əldə etdiyi məlumata görə, yaxşı yuxu üçün gecə vaxtı içilə biləcək bir sıra içkilər mövcuddur.

Albalı şirəsi

Diyetoloq-nutritionist Şeli Bolzun sözlərinə görə, albalı şirəsi yuxu dövrlərini tənzimləyən melatonin hormonunun təbii mənbəyidir və orqanizmin triptofanın mənimsənilməsinə kömək edən birləşmələr ehtiva edir. Triptofan isə serotonin və melatonin kimi yuxu hormonlarının istehsalı üçün vacibdir.

"Albalı şirəsi həmçinin iltihabı azaldan və yuxunun keyfiyyətini yaxşılaşdıra bilən polifenollarla zəngindir”, deyə mütəxəssis bildirib.

Bununla belə, diyetoloq-nutritionist Yohanna P. Salazar qeyd edir ki, albalı şirəsi yüksək şəkər tərkibinə görə ehtiyatla qəbul edilməlidir.

Çobanyastığı çayı

Bolzun sözlərinə görə, çobanyastığı çayı tərkibindəki apigenin maddəsi sayəsində sinir sistemini sakitləşdirir və rahatlamağa kömək edir. Bu maddə beyində reseptorlara bağlanaraq gərginliyi azaldır.

"Bu, mənim uzun iş günündən sonra axşamlar içdiyim ən sevimli çaylardan biridir”, deyə Salazar əlavə edib.

Mütəxəssisin tövsiyəsinə görə, çobanyastığı çayı yuxudan 30–45 dəqiqə əvvəl içilməlidir ki, təsiri daha yaxşı hiss olunsun.

İnək südü

Yatmazdan əvvəl bir stəkan süd yuxunun keyfiyyətini yaxşılaşdıra bilər, çünki o da triptofan ehtiva edir. Bundan əlavə, südün tərkibində az miqdarda melatonin və serotonin hormonları da mövcuddur.

"Ümumi sağlamlıq üçün gündə 3 porsiya süd məhsulu qəbul etmək tövsiyə olunur. Yuxunu yaxşılaşdırmaq üçün isə axşam yeməyi zamanı bir stəkan süd içmək faydalı ola bilər”, deyə Bolz bildirib.

Süd həmçinin kalsium, D vitamini və maqnezium mənbəyidir və bu maddələr orqanizmin rahatlamasına kömək edir.

Passiflora çayı

Salazara görə, passiflora çayı uzun günün sonunda yaranan gərgin düşüncələri sakitləşdirməyə kömək edən bitki içkilərindən biridir. Bu bitki daha dərin yuxuya da dəstək ola bilər.

"Passiflora sinir sistemini sakitləşdirir və bədəni rahatlaşdırır. O, həmçinin beynin aktivliyini azaldan QAMK (GABA) neyromediatorunu ehtiva edir”, deyə o bildirib.

Reyhan çayı

Müqəddəs reyhan (tulsi) adaptogen bitkidir və çay şəklində istifadə olunur. O, stressə qarşı orqanizmin reaksiyasını tənzimləyərək yuxuya hazırlanmanı asanlaşdırır. Bundan əlavə, tulsi böyrəküstü vəzilərin ifraz etdiyi stress hormonu kortizolun tənzimlənməsinə kömək edir.

Yuxudan əvvəl nə qədər içilməlidir?

Maksimum effekt üçün bu içkilərdən yatmazdan 1–2 saat əvvəl 180–240 ml qəbul etmək tövsiyə olunur. 240 ml-dən çox içmək gecə tez-tez oyanmaya səbəb ola bilər.

Aydın