Macarıstanın “Zalaegerseq” futbol klubu sosial şəbəkə hesablarında ölkə çempionatının matçı üçün hazırlanan və 11 sahibsiz itin də daxil edildiyi iştirak ərizəsini paylaşıb.
Qaynarinfo xəbər verir ki, itlər oyun siyahısında öz adları ilə qeyd olunub. Klub nümayəndələrinin sözlərinə görə, bu təşəbbüs sahibsiz heyvanlar probleminə diqqət çəkmək və onlar üçün yeni ailələrin tapılmasına yönəlmiş təşəbbüsü dəstəkləmək məqsədi daşıyır.
Macarıstan çempionatının doqquzuncu turu çərçivəsində “Zalaegerseq” və “Nyireqyhaza” komandaları arasında matç oktyabrın 11-də keçiriləcək. Hər iki klub ölkənin yüksək divizionunda çıxış edir.
Çempionatın 8 turundan sonra “Zalaegerseq” altı xalla 11-ci, 8 xalı olan “Nyireqyhaza” isə 10-cu pillədə qərarlaşıb.
Aydın
Şərhlər