Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
İmişlidə 17 min manatlıq mal-qara dələduzluğu - Hökm oxundu
İmişli rayonunda tanışını Qarabağdan iribuynuzlu heyvan gətirəcəyi vədi ilə aldadaraq 17 min manatdan çox pulunu ələ keçirən şəxs barəsində məhkəmə hökmü çıxarılıb.
Qaynarinfo xəbər verir ki, məhkəmə materiallarına əsasən, təqsirləndirilən şəxs zərərçəkmişin etibarından sui-istifadə edərək ona Xankəndi rayonundan iribuynuzlu heyvanlar alıb gətirəcəyini vəd edib. O, müxtəlif vaxtlarda zərərçəkmişdən həm bank kartlarına köçürmə yolu ilə, həm də nağd şəkildə ümumilikdə 17 min 130 manat alıb. Lakin vəd etdiyi heyvanları almayaraq pulu şəxsi məqsədləri üçün xərcləyib.
İş üzrə müəyyən edilib ki, vəsaitlərin bir hissəsi müxtəlif şəxslərin bank kartlarına köçürülüb, daha sonra təqsirləndirilən şəxs həmin pulları çıxararaq istifadə edib. O, zərərçəkmişi müxtəlif səsli mesajlarla aldadaraq vədlər verib və heyvanların tezliklə göndəriləcəyini bildirib.
Məhkəmə iclasında təqsirləndirilən şəxs özünü təqsirli bildiyini deyib. O, ifadəsində zərərçəkmişlə qohumlarının toy mərasimində tanış olduğunu və Qarabağda qəssablıq və heyvan alveri ilə məşğul olduğunu söyləyib. Bundan sonra zərərçəkmiş ona heyvan alıb gətirməyi təklif edib.
Onun sözlərinə görə, aldığı pulların bir hissəsinə heyvan alaraq öz qəssablıq fəaliyyəti üçün istifadə edib, digər hissəsini isə avtomobillərinin təmirinə və şəxsi ehtiyaclarına xərcləyib. O, sonradan borca düşdüyünü və zərərçəkmişə verdiyi vədi yerinə yetirə bilmədiyini bildirib.
Təqsirləndirilən şəxs zərərçəkmişi yubatmaq və aldatmaq məqsədilə ona səsli mesajlar göndərdiyini də etiraf edib. O, vurduğu maddi ziyanın 4 min manatını ödədiyini, qalan məbləği isə maddi imkanı olmadığından qaytara bilmədiyini deyərək məhkəmədən yüngül cəza istəyib.
Məhkəmə təqsirləndirilən şəxsi Cinayət Məcəlləsinin 178.2.4-cü maddəsi (xeyli miqdarda ziyan vurmaqla dələduzluq) ilə təqsirli bilərək ona 3 il müddətinə azadlıqdan məhrumetmə cəzası təyin edib.
Həmçinin Cinayət Məcəlləsinin 69.3-cü maddəsinə əsasən, onun həbsdə saxlanıldığı 2 gün təyin olunmuş cəzadan çıxılıb və üzərində qəti olaraq 2 il 11 ay 28 gün müddətinə azadlıqdan məhrumetmə cəzası saxlanılıb.
Aydın
Oxşar xəbərlər
Azərbaycanda yeni dövlət qurumu yaradılır
Ölkə
23.07.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər