Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Onlar 240 ildir görünmürdü: İngiltərə səmasında nəhəng yırtıcılar müşahidə olundu
İngiltərədə Böyük Britaniyanın ən iri yırtıcı quşlarından biri olan ağquyruq dəniz qartallarının (biğloxvosti orlanlar) yenidən göründüyü bildirilir. Bu quşlar XVIII əsrin sonlarından etibarən həmin ərazilərdən tamamilə yox olmuşdu.
Qaynarinfo xəbər verir ki, bu barədə "The Argus" qəzetinə yazır.
İki böyük siluet Qərbi Sasseksdəki Ardinqli su anbarı üzərində müşahidə olunub. Bundan cəmi iki gün əvvəl isə başqa bir dəniz qartalı Eşdaun meşəsində fotoqraflanıb. Bir həftə ərzində iki fərqli yerdə qeydə alınan bu müşahidələr təsadüfi səfərdən daha çoxunu göstərə bilər.
Ağquyruq dəniz qartalları əvvəllər bütün ölkə ərazisində yayılmışdı, lakin insan təqibi nəticəsində tamamilə məhv edilmişdi. Cənubi İngiltərədə son yuva quran cütlük 1780-ci ildə Vayt adasında qeydə alınmışdı. Mövcud məlumatlara görə, hazırkı populyasiyanın bərpası 2019-cu ildə "Forestry England” və "Roy Dennis Wildlife Foundation” tərəfindən başladılan reintroduksiya proqramı sayəsində mümkün olub.
Proqram Şotlandiyadan gətirilən balaların təbiətə buraxılmasını nəzərdə tutur. Elmi hesabatlara əsasən, 2025-ci ilə qədər 45 quş sərbəst buraxılıb və onların hamısı GPS izləyicilərlə nəzarətdə saxlanılır.
Alimlərin ilkin planı yalnız bir neçə cütlüyün formalaşması olsa da, quşlar gözləniləndən daha sürətlə uyğunlaşır. 2023-cü ildə Sasseksdə ilk bala dünyaya gəlib və bu, XVIII əsrdən bəri İngiltərədə doğulan ilk ağquyruq dəniz qartalı hesab olunur. 2025-ci ildə isə Sasseks və Dorsedə vəhşi təbiətdə doğulan qartalların sayı altıya çatıb.
Bununla belə, bu ekoloji uğur fermerlər arasında narahatlıq da yaradır. Uzun müddət bu quşların yalnız balıq və leşlə qidalandığı düşünülürdü. Lakin "NatureScot” təşkilatının məlumatına görə, ağquyruq qartalların bəzən quzulara hücum etdiyi və bəzi hallarda onların sağlam olduqları zaman ovlandığı qeydə alınıb.
Şotlandiyada bir fermada altı il ərzində 181 quzunun itkisi qeydə alınıb. Ekoloqlar qartalların nadir hallarda mal-qaraya hücum etdiyini desələr də, fermerlərlə mübahisələr davam edir.
Bundan əlavə, "Roy Dennis Wildlife Foundation” bəzi izlənilən üç qartalın şübhəli şəkildə yoxa çıxdığını bildirir ki, bu da onların qanunsuz şəkildə hədəfə alındığını göstərə bilər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər