Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Silikon Vadisi nəhənglərin savaşı: Məhkəmədə üz-üzə gələcəklər
Silikon Vadisinin iki aparıcı fiquru olan İlon Mask və Sem Altman arasındakı gərginlik artıq məhkəmə prosesinə daşınıb.
Qaynarinfo xəbər verir ki, "Tesla" və "SpaceX"ın sahibi olan İlon Mask ChatGPT-nin yaradıcısı "OpenAI" və şirkətin baş icraçı direktoru Sem Altman da daxil olmaqla bir sıra rəhbər şəxslərə qarşı iddia qaldırıb. Mask iddia edir ki, "OpenAI” əvvəlcə qeyri-kommersiya təşkilatı kimi təqdim olunub, lakin sonradan mənfəət yönümlü şirkətə çevrilərkən rəhbərlik tərəfindən səhv yönləndirmə olub.
İddianın strateji əhəmiyyəti artır
İddia "OpenAI” üçün kritik bir dövrə təsadüf edir. Şirkət böyük ilkin kütləvi təklif (IPO) mərhələsinə yaxınlaşdığı bir vaxtda süni intellekt sahəsində güclənən rəqabətlə də üz-üzədir. Bu rəqabətdə Maskın qurduğu "xAI” şirkəti də əsas oyunçulardan biri kimi göstərilir.
Neytral jüri seçimi problemi
"CNN International"ın məlumatına görə, hər iki tərəfin qlobal miqyasda tanınması məhkəmə üçün neytral jüri seçimini çətinləşdirir. Jüri məsləhətçisi Alan Terkhaymer Silikon Vadisində potensial jüri üzvlərinin bu iki şəxs barədə güclü mövqelərə sahib ola biləcəyini bildirib.
Templ Universitetinin hüquq professoru Elizabet Lippi isə bu vəziyyətin aşılmaz olmadığını qeyd edərək bildirib: "Qanun jüri üzvünün İlon Maskı və ya süni intellekti tanımamasını tələb etmir. Sadəcə, onlar bu bilikləri kənara qoyaraq qərarı yalnız sübutlara əsasən verməlidirlər".
Bu səbəbdən məhkəməyə adi hallardan təxminən üç dəfə çox jüri namizədinin çağırılması gözlənilir.
Maskın iddiaları
Mask 2015-ci ildə "OpenAI”ın qeyri-kommersiya təşkilatı kimi qurulmasında iştirak edib və ilk mərhələdə təxminən 44 milyon dollar maliyyə dəstəyi verib. O, 2018-ci ildə şirkətdən ayrılıb.
Maskın iddiasına görə, "OpenAI” sonradan mənfəət yönümlü modelə keçərək süni intellektin insanlıq üçün təhlükəsiz inkişafı missiyasına xəyanət edib.
"OpenAI”ın cavabı: "Səbəb qısqanclıqdır”
"OpenAI” isə bu iddiaları rədd edir. Şirkət bildirir ki, mənfəət yönümlü strukturun yaradılması ideyası əslində Mask tərəfindən irəli sürülüb. Onların fikrincə, Mask nəzarəti tam ələ keçirə bilmədiyi üçün şirkətdən ayrılıb və hazırkı iddia "qısqanclıq və rəqabət motivli zərbə cəhdi”dir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər